«Бюджэтнікам яшчэ можна, што тычыцца прамысловасці — не».
Першы намеснік міністра эканомікі Беларусі Аляксандр Ярашэнка выступае супраць аўтаматычнай індэксацыі росту заробку ў краіне.
«Прынцыповае вырашэнне пытанняў інфляцыі ў краіне гэта тое, што прадукцыйнасць працы павінна апярэджваць заработную плату.
Бюджэтнікам яшчэ мы можам індэксаваць зарплату, яны працуюць на дзяржаву і дзяржава аплачвае іх працу, што тычыцца прамысловасці — тут так нельга.Маё меркаванне — не трэба і няможна індэксаваць заробак», — заявіў А.Ярашэнка, выступаючы на пасяджэнні Нацыянальнага савета па працоўных і сацыяльных пытаннях у пятніцу ў Мінску.
Ён падкрэсліў, што «павышаць цэны аўтаматычна, каб падтрымаць сваю эканоміку, — гэта шлях у нікуды». Такім чынам А.Ярашэнка адказаў на пытанне удзельнікаў Савета аб тым, чаму закупачныя цэны на сельгаспрадукцыю гэтак істотна адрозніваюцца ад коштаў на харчовыя тавары, і што трэба зрабіць, каб урэгуляваць гэтае пытанне.
Паводле слоў першага намесніка міністра, у Беларусі ў 2012 годзе рэальны заробак павінен вырасці на 4,2%.
А.Ярашэнка адзначыў, што ў 2012 г. будзе працягнуты рост сацыяльных трансфертаў — пенсій, стыпендый і дапамог. У прыватнасці, плануецца вырабляць пераразлікі пенсій, 3вязаць памеры дапамог па нараджэнні дзіцяці з сярэдняй заработнай платай і дыферэнцаваць іх у залежнасці ад узросту бацькоў.
«Чым хутчэй мы ўтаймуем інфляцыю, тым хутчэй вернем эканоміку ў той рэчышча, у якім яна працавала раней», — сказаў А.Ярашэнка.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты7
Каментары