Jašče adzin advakat pa spravie 19 śniežnia vyklučany z kalehii advakataŭ
Prezidyum Minskaj haradskoj kalehii advakataŭ pryniaŭ rašeńnie ab vyklučeńni Andreja Varvaševiča.
Jak stała viadoma charter97.org, prezidyum Minskaj haradskoj kalehii advakataŭ pryniaŭ rašeńnie ab vyklučeńni Andreja Varvaševiča z advakatury.
Heta ŭžo druhi advakat Sańnikava, jakoha napatkała takaja dola.
Raniej anałahičnaje rašeńnie było pryniata ŭ dačynieńni da advakata Paŭła Sapiełki.
Nahadajem, advakat Andrej Varvaševič razam z Marynaj Kavaleŭskaj abaraniaŭ kandydata ŭ prezidenty Biełarusi Andreja Sańnikava pa kryminalnaj spravie ab padziejach 19 śniežnia 2010 hoda i da apošniaha času aktyŭna adstojvaŭ jaho intaresy.
Jaho vyklučyli z farmuloŭkaj «za pravinnaść, niesumiaščalnuju sa zvańniem advakata».
Nahodaj stała pryciahnieńnie jaho da administracyjnaj adkaznaści pa sumnieŭnych abvinavačvańniach. Svaju vinu ŭ administracyjnym pravaparušeńni jon nie pryznaŭ. Niahledziačy na heta, sud pa administratyŭnaj spravie admoviŭ advakatu ŭ dopycie jaho śviedak, a taksama ŭ zapatrabavańni inšych dokazaŭ, jakija paćviardžajuć jaho nievinavataść.
Zhodna z zakanadaŭstvam, vyklučeńnie z kalehii advakataŭ źjaŭlajecca padstavaj dla pazbaŭleńnia Ministerstvam justycyi licenzii na prava zaniatkaŭ advakackaj dziejnaściu.
Nakolki viadoma charter97.org, advakat abskardziŭ va ŭstanoŭlenym sudovym paradku jak jaho pryciahnieńnie da administracyjnaj adkaznaści, tak i vyklučeńnie z advakatury.
***
Nahadajem, što ŭ 2011 h. byli pazbaŭlenyja licenzii advakaty Tamara Sidarenka, jakaja baraniła Uładzimira Niaklajeva, Uładzimir Toŭścik i Tamara Harajeva, jakija baranili Irynu Chalip, advakat Aleh Ahiejeŭ, jaki baraniŭ Alesia Michaleviča, jahonaja žonka advakat Zaryna Zaleŭskiaja, advakatka Taciana Ahiejeva, taksama ŭdzielničała ŭ vytvorčaści śledčych dziejańniaŭ pa hetaj kryminalnaj spravie.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»11
Kamientary