U 2011 hodzie najaŭnyja resursy damašnich haspadarak u Biełarusi skłali 2 młn. 747 tys. rubloŭ u miesiac, pavialičyŭšysia ŭ paraŭnańni z 2010 hodam na 50,8% pry roście spažyvieckich cen na tavary i pasłuhi na 53,2%, paviedamiła
Najaŭnyja resursy — heta hrašovyja srodki damašnich haspadarak plus košt spažytych praduktaŭ charčavańnia, jaki pastupili z asabistaj padsobnaj haspadarki (za vylikam materyjalnych zatrat na ich vytvorčaść). Siudy ž uvachodzić košt dadzienych u naturalnym vyražeńni lhot i datacyj.
U 2011 hodzie najaŭnyja resursy ŭ raźliku na adnaho člena damašniaj haspadarki skłali 1 młn. 144,9 tys. rubloŭ u miesiac.U haradach i pasiołkach haradskoha typu siaredniedušavyja najaŭnyja resursy ŭ 1,2 razu pieravysili ŭzrovień siaredniedušavych najaŭnych resursaŭ sielskich žycharoŭ i skłali adpaviedna 1 młn. 203,2 tys. i 980,2 tys. rubloŭ.
Dola damašnich haspadarak z uzroŭniem siaredniedušavych najaŭnych resursaŭ nižejšym za biudžet pražytačnaha minimumu (małazabiaśpiečanych damašnich haspadarak) skłała 5,8%, u haradach i pasiołkach haradskoha typu — 4,8%, u sielskich nasielenych punktach — 8,3%.
U struktury małazabiaśpiečanych damašnich haspadarak asnoŭnuju častku (57%) składajuć damašnija haspadarki, jakija majuć dziaciej da 18 hadoŭ, 26,2% — damašnija haspadarki bieź dziaciej, 16,8% — damašnija haspadarki, jakija składajucca z adnaho čałavieka.
Spažyvieckija raschody ŭ siarednim na damašniuju haspadarku skłali 2 młn. 29,4 tys. rubloŭ u miesiac i pavialičylisia ŭ paraŭnańni z 2010 hodam na 53,4%.
U struktury spažyvieckich raschodaŭ damašnich haspadarak u cełym pa krainie pavialičyłasia dola raschodaŭ na charčavańnie (z 39% u 2010 hodzie da 41,3% u 2011 hodzie) i dola raschodaŭ na kuplu niecharčovych tavaraŭ (adpaviedna z 37,2 da 38,2%). Dola raschodaŭ na apłatu pasłuh źniziłasia i skłała 18,3% suprać 21,6% u 2010 hodzie.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary