Mołat viedźmaŭ

1 sakavika ŭstupiŭ u siłu novy Administratyŭny kodeks, jaki vyklikaŭ na špaltach aficyjoznych medyjaŭ cikavuju palemiku ab krynicach zła ŭ hramadztvie etapu raźvitoha rynkavaha sacyjalizmu.

Kali rabić reziume bazaru: prajavy pavodzinaŭ nie vyklikany niedachopami sistemy (ŭ nas stabiliziec, niama sacyjalna‑ekanamičnych supiarečnaściej). Chałatnaść, biurakratyzm, chulihanstva i h.d. matyvavany vyklučna asabistym psichałahičnym bzikami. Kštałtu – mahu ŭziać na alimpijadzie miedal pa bijatłonu (dziaržava nadała dla hetaha ŭsie mahčymaści), adnak nia žadaju i ŭsio tut. Lepš buchnu «Nalibockaj» i nie prapałču žyroŭku.

Cikavaja kancepcyja, kali b nie toj fakt, što hetkija akty majuć rehularny i hałoŭnaje masavy charaktar. Adsiul moža być adzinaja maral — ŭstanoŭka na antyhramadskuju etyku zadajecca niejkim vonkavami centrami.

Sapraŭdy, ci nie my žyviem ŭ epicentry niabačnaj baraćby sakretnych hramadstvaŭ i tajnych sajuzaŭ, jakija zamahajucca za dušy uładalnikaŭ paspartoŭ z kapustaj?

Bolš uvažliva pryhladzieŭšysia da vonkavych pracesaŭ, navat skłaŭ mini śpis samych bujnych sakretnych asacyjalnych siektaŭ našaj krainy.

Biezumoŭna adnoj z samych strašnych siektaj u siniavokaj źjaŭlajecca Sajentałahičny orden kavaleraŭ pradaŭcoŭ kvateraŭ na druhasnym rynku.

Heta strašnyja piercy! Kožny chto ŭstupaje ŭ Orden bolš nie kantraluje svaje pavodziny. Słužki kultu pieratvarajuć ludziej u zombi, jakija pradajuć i nabyvajuć kvatery, tym samym zavyšajučy ich košty. Pratakoły mudracoŭ Ordena kažuć, što jak tolki košt dasiahnie 10 000 baksaŭ za kvadrat ŭ pryharadzie Aipovičaŭ, pryjdzie kaniec śvietu. U heta samy čas anioły departujuć usich na nieba: adnych ŭ raj ź jeŭraramontam i džakuzi, a inšych u piekła‑ adnapakajovuju chruščoŭku z tarakanami i chranična niepracujučym źlivam u tubziku. I toje kali arendavać za 200 baksaŭ u miesiac plus kamunałka.

Dalej u chit‑paradzie tatalitarna‑destruktyŭnych siektaŭ možna pastavić Čornaje bractva staravieraŭ‑parušalnikaŭ darožnych pravił. Jaje vierniki — kamikade. Na orhijach im pramyli mazhi, što hety śviet nastolki hrešny, što žyć tut nie varta. Tamu žyćciovaja misija sektantaŭ jak maha chutčej trapić u Vałhału parušalnikaŭ DTP. Što jany i robiać, pierachodziačy vulicu jak zaŭhodna, abo nie žadajučy nadziavać na dublonki śvietłoatražalniki.

Mienš niebiaśpiečnaj, adnak daloka nie pušystaj źjaŭlajecca Carkva biurakrataŭ apošnich dzion. Jany ličać, što čym bolš voknaŭ, tym bolš paloŭ realizacyi asoby.

Z hetaha ža sieryi Astralnaja škoła paśladoŭnikaŭ atrymańnia ilhotnych dziaržaŭnych krydytaŭ im. Błatvatskaj.

Narešcie maleńkaja, adnak vielmi niepryjemnaja tusoŭka – Chun Pań Chun» ( pierakład z kitajskaj — Łoža vadziłaŭ tralejbusaŭ, jakija bjucca tokam, ź pieršaha tralejbusnaha parku). Heta prosta čałaviekanienavičniki.

Adnak nam z vami bajacca niečaha, pakul isnujuć rycary «Chrama usialenskaj łyžnaj pałki«

Absalutna adnolkavy na praciahu šmat hadoŭ farmat estafiety Minskaja łyžnia –prymušaje pa inšamu traktavać kod mierapryjemstva. Chiba heta nie niejki rytuał? Kali usio budzie pa zvyčajnaj schiemie – baćka pryjdzie pieršym, značyć siłam ciemry pieramoha nie abłomicca. Jak minimum da nastupnaj łyžni.

Amiń

• 0
• 0
• 0
• 0
• 0
• 0
• 0
• 0