Heta byli turysty ź Bielhii, jakija viartalisia z vakacyj.
U tuneli ŭ Šviejcaryi raźbiŭsia turystyčny aŭtobus. Pa papiarednich dadzienych, zahinuli 28 hramadzian Bielhii, siarod jakich 22 dziaciej.
Dzieci viartalisia dadomu ŭ bielhijskija harady Łamiel i Chievierli paśla vakacyj na harnałyžnym kurorcie ŭ Šviejcaryi. Aŭtobus, pa niekatorych dadzienych, urezaŭsia ŭ ścianu hornaha tuniela. Abodva kiroŭcy zahinuli.
Palicyja pakul nie moža rastłumačyć pryčyny taho, što adbyłosia.
Pa ich słovach, adbyłasia «biesprecedentnaja trahiedyja».
Avaryja adbyłasia ŭ noč z aŭtorka na sieradu ŭ šviejcarskim kantonie Vale na miažy ź Italijaj. Tunel raźmieščany pobač z šviejcarskim horadam Śjer.
U aŭtobusie jechali 52 čałavieki. Jašče 24 dziaciej atrymali traŭmy roznaj stupieni ciažkaści.Usich paciarpiełych dastavili ŭ balnicy Łazanie i Bierna.
Kamientary