Jość dva supralehłyja varyjanty padziej.
Maci Uładzisłava Kavalova jedzie ź Viciebska ŭ Minsk, kab daviedacca pra los syna, asudžanaha da śmiarotnaha pakarańnia za saŭdzieł u teraryźmie.
14 sakavika pa telekanale «Biełaruś 1» było abvieščana, što Uładzisłavu Kavalovu i Dźmitryju Kanavałavu, pryznanym vinavatym u teraryźmie, Łukašenka admoviŭ u pamiłavańni.
Luboŭ Kavalova skazała, što maje namier u pieršuju čarhu sustrecca z advakatam syna Stanisłavam Abraziejem, kab vyśvietlić, čym matyvavana admova ŭ pamiłavańni.
Tym časam vyśvietliłasia, što advakata Kavalova nie puścili da padabaronnaha ŭ SIZA KDB nie tolki 14 sakavika, ale nie puskajuć i siońnia.
Śpiecyjalisty nie vyklučajuć, što śmiarotny prysud u dačynieńni da Kanavałava i Kavalova ŭžo pryviedzieny ŭ vykanańnie, a paviedamleńnie pra admovu ŭ pamiłavańni było zroblena postfaktum.Heta mahło adbycca paśla 11 sakavika — u toj dzień maci i siastra Kavalova atrymali ź im trochhadzinnaje spatkańnie ŭ SIZA KDB.
Paśla spatkańnia siastra asudžanaha Taćciana raskazała: bolš za ŭsio jaje ŭraziła nie toje, što brat vyhladaŭ mocna stomlenym i «hublajučym bajavy duch», a staŭleńnie da ich vysokaha čynoŭnika administracyi izalatara.
Pa słovach dziaŭčyny, jon byŭ vielmi vietlivym, čaho nie zdarałasia raniej, adkazvaŭ na ŭsie pytańni maci.Svajakam navat dazvolili vybrać Uładzisłavu ŭ najbližejšaj kniharni knihi ŭ miakkaj vokładcy, nakiravać śpis asudžanamu, a toje, što jon vybiera, — zatym nabyć.
Kanavałaŭ i Kavaloŭ znachodziacca ŭ poŭnaj izalacyi ŭ SIZA KDB, i im moža być jašče nieviadoma pra toje, što Łukašenka admoviŭsia ich pamiłavać. Darečy, chadajnictva na imia Łukašenki padavaŭ tolki Kavaloŭ. Kanavałaŭ, pavodle aficyjnaj infarmacyi, — nie. U hetym vypadku lubyja sustrečy z advakatami i svajakami vyklučajucca, bo ab rašeńni kiraŭnika dziaržavy prysudžanyja da śmiarotnaha pakarańnia (prynamsi, raniej) daviedvalisia niepasredna pierad pryviadzieńniem prysudu ŭ vykanańnie, kažuć śpiecyjalisty.Razam z tym, na dumku ekśpiertaŭ, prysudžanyja da śmiarotnaha pakarańnia mohuć być žyvyja.
Samy aptymistyčny, ale samy małavierahodny varyjant raźvićcia padziej— paśla pakazalnaha abviaščeńnia rašeńnia prezidenta ŭ krainie moža być uviedzieny maratoryj na śmiarotnaje pakarańnie.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary