Zapazyčanaść «Biełarusbanka» pa «źviazanych» zamiežnych kredytach dasiahnuła $682 młn
Zapazyčanaść AAT «AAB Biełarusbank» pierad zamiežnymi bankami i finansavymi kampanijami pa «źviazanych» zamiežnych kredytnych resursach pavialičyłasia z pačatku 2012 hoda na 82 młn. dalaraŭ i na 1 sakavika skłała 682 młn. dalaraŭ ZŠA.
Jak paviedamlaje pres-słužba «Biełarusbanka», kredytny partfiel klijentaŭ na 1 sakavika skłaŭ amal 61 trłn. rubloŭ, u tym liku kredytny partfiel jurydyčnych asob — amal 38 trłn. rubloŭ, fizičnych asob — amal 23 trłn. rubloŭ.
Narmatyŭny kapitał banka skłaŭ 19 trłn. rubloŭ, statutny fond składaje 16 trłn. rubloŭ, abo 1 młrd. 493 młn. jeŭra.
Resursnaja baza banka za studzień-luty 2012 h pavialičyłasia na 3,7%, abo na 3,7 trłn. rubloŭ, i skłała 104 trłn. rubloŭ.
Abjom srodkaŭ jurydyčnych asob i biudžetnych arhanizacyj na 1 sakavika skłaŭ 30 trłn. rubloŭ.
Abjom resursaŭ, pryciahnutych šlacham raźmiaščeńnia ablihacyj siarod jurydyčnych asob, skłaŭ 2 trłn. rubloŭ, u tym liku 929 młrd. rubloŭ i 109 młn. dalaraŭ ZŠA.
Srodki fizičnych asob (biez uliku naličanych pracentaŭ i kaštoŭnych papier) na 1 sakavika skłali 25 trłn. rubloŭ, u tym liku amal 10 trłn. rubloŭ u biełaruskich rublach, u zamiežnaj valucie — 1,9 młrd. dalaraŭ ZŠA ŭ ekvivalencie.
Pa stanie na 1 sakavika z dapamohaj ablihacyj dla fizičnych asob pryciahnuta 793 młrd. rubloŭ, u tym liku 30 młrd. rubloŭ, 68 młn. dalaraŭ ZŠA i 20 młn. jeŭra.
Zapazyčanaść fizičnych asob pa lhotnych kredytach u adpaviednaści z ukazami prezidenta (№ 185, 75, 368) pa stanie na 1 sakavika skłała 20 trłn. rubloŭ.
Za studzień-luty 2012 ustanovami banka kuplena najaŭnaj zamiežnaj valuty (z ulikam kanviersii) u ekvivalencie 289,5 młn. dołaraŭ ZŠA, pradadziena (z ulikam kanviersii) ŭ ekvivalencie 208,1 młn. dalaraŭ ZŠA.
Na 1 sakavika filijalnaja sietka banka składałasia z 41 filijała, 100 centraŭ bankaŭskich pasłuh i 1.793 adździaleńniaŭ, ź jakich 840, abo 47% ad ahulnaj kolkaści adździaleńniaŭ, raźmieščana ŭ haradach i 953, abo 53%, — u sielskaj miascovaści.
Kamientary