Aleh Trusaŭ: Pakul moładź budzie razmaŭlać pa-biełarusku, naša mova nikoli nie zahinie
Viečaram 15 sakavika u minskaj siadzibie Tavarystva biełaruskaj movy imia Franciška Skaryny adbyŭsia druhi etap ahulnanacyjanalnaj dyktoŭki. Jana pisałasia pa chrestamatyjnym vieršy Maksima Tanka «Rodnaja mova».
«My vybrali hety dzień, — tłumačyć BiełaPAN staršynia tavarystva Aleh Trusaŭ, — tamu što jakraz 15 sakavika 1994 hoda była pryniataja pieršaja Kanstytucyja Respubliki Biełaruś, dzie adzinaj dziaržaŭnaj movaj była abvieščana biełaruskaja. Tamu my ŭžo piaty hod ušanoŭvajem hetuju datu i pravodzim druhi etap ahulnacyjanalnaj dyktoŭki mienavita ŭ hety dzień».
«My dali mahčymaść napisać dyktoŭku lubomu, chto choča, — praciahvaje Trusaŭ. — Siońnia ŭ nas ludziej niašmat, ale heta ŭ asnoŭnym moładź, i vielmi dobra, što jana nie zabyvajecca pra rodnaje słova. Pakul moładź budzie razmaŭlać pa-biełarusku, naša mova nikoli nie zahinie».
Trusaŭ paviedamiŭ, što treci etap dyktoŭki adbudziecca 23 sakavika z nahody 84-j hadaviny Biełaruskaj Narodnaj Respubliki.
Kamientary