Ale ličyć ich viartańnie zaŭčasnym.
Pra heta zajaviŭ siońnia žurnalistam načalnik upraŭleńnia infarmacyi — pres-sakratar MZS Biełarusi Andrej Savinych, kamientujučy siužet na kanale «Jeŭrańjus», dzie havorycca ab abjaŭleńni pasłoŭ piersonami non hrata, paviedamlaje BIEŁTA.
«Heta absalutnaja padtasoŭvańnie faktaŭ i niekarektnaja traktoŭka situacyi, - zajaviŭ Andrej Savinych. —
Krainy ES pa ŭłasnaj inicyjatyvie adklikali svaich pasłoŭ. Z ulikam pryniataha ES rašeńnia ŭ siońniašnich umovach viartańnie pasłoŭ zaŭčasna».
«Kali Jeŭrasajuz znojdzie šlach da kanstruktyŭnaha dyjałohu, my budziem hatovyja bačyć pasłoŭ krain ES u Minsku, dzie jany zmohuć zaniacca svaimi pramymi dypłamatyčnymi abaviazkami, a mienavita pracaj pa ŭmacavańni dobrasusiedskich adnosin pamiž našymi krainami», — adznačyŭ Andrej Savinych.
Nahadajem, što 23 sakavika MZS Biełarusi zajaviŭ, što Biełaruś «vymušanaja nieadkładna prystupić da realizacyi kompleksu mier reahavańnia».
«Jeŭrapiejskija palityki znachodziacca ŭ pałonie kanfliktnaha myśleńnia, jany zastajucca zakładnikami łohiki prymusu i šantažu. (…) U siońniašnich umovach biełaruski bok nie bačyć nieabchodnaści ŭ prysutnaści na terytoryi Biełarusi adklikanych pasłoŭ dziaržaŭ, jakija prahałasavali za hetaje rašeńnie», — havaryłasia ŭ zajavie.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary