Popyt na dalary znoŭ pieravysiŭ prapanovu, Nacbank trymaje kurs interviencyjami
U lutym rezka vyrasła rublovaja hrašovaja masa. U sakaviku jana vyploskvajecca na rynak.
Takuju vysnovu robić interfax.by, hruntujučysia na źviestkach Biełaruskaj valutna-fondavaj biržy. U pieryjad z 1 da 26 sakavika na tarhach BVFB vałavy popyt na dalary pieravysiŭ prapanovu amal na 94 miljonaŭ USD. Pa łohicy, kurs biełaruskaha rubla ŭ adnosinach da amierykanskaj valucie pavinien byŭ źnizicca. Ale na praktycy jon vyras, choć i niaznačna, što «śviedčyć ab adnaŭleńni valutnych interviencyj z boku NBB paśla amal 4-miesiačnaha pierapynku».
Jość i inšyja padstavy mierkavać, što kurs rubla padtrymlivajecca štučna. Jak piša «Biełhazieta», «pakazčyki hrašovaj masy pajšli ŭ haru biantežačymi tempami». U lutym abjom najaŭnych hrošaj (pakazčyk M0) pavialičyŭsia na 12,7%, hrašovy ahrehat M1 - na 13,4%, rublovaja hrašovaja masa (M2) - na 9%. Šyrokaja hrašovaja masa na pačatak sakavika skłała 114,9 tryljona rubloŭ - bolšaha pakazčyka M3 ŭ historyi Biełarusi nie było.
Pry inflacyi amal 6% za try miesiacy kurs rubla da dalara trochi padros.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary