Psichołah Ludmiła Mirzajanava praanalizavała vykazvańni kiraŭnika dziaržavy na temy pravoŭ čałavieka.
Što budzie rabić kiraŭnik, jaki parušaje pravy i svabody ludziej, jaki viedaje, što hetaha rabić nielha, što ŭvieś cyvilizavany śviet asudžaje jaho, ale nie žadaje što-niebudź mianiać?
Pravilna, admaŭlać. Voś i A. Łukašenka admaŭlaje realnaść parušeńniaŭ demakratyčnych pravoŭ i svabodaŭ u Biełarusi, vykarystoŭvajučy raznastajnyja formy admaŭleńnia.
Vasiemnaccać hadoŭ jon admaŭlaje sam fakt parušeńniaŭ: «Niama ŭ Biełarusi prablem sa svabodami i być nie moža».
Minimizuje parušeńni, praŭda, redka: "U nas tolki paračka palitviaźniaŭ siadzić» abo «Viedaju, jość u nas prablemy, ale nie surjoznyja. Pahladzicie na ŭ Kazachstan, kolki hadoŭ Nazarbajeŭ kiruje!».
Sprytna sychodzić ad abmierkavańnia prablemy abo zabałbočvaje jaje. Na pres-kanfierencyjach z žurnalistami havoryć pra što zaŭhodna, tolki nie ab realnaj situacyi z pravami čałavieka ŭ krainie (bła-bła-bła).
U chodzie pieradvybarčaj kampanii 2010 hoda byŭ adznačany «skačok u bok demakratyi»: «Pahladzicie, kolki ŭ nas svabody! Užo 2 miesiacy!». Była prajaŭlena padatlivaść: «Tak i być, sastuplu apazicyi, tolki b adstała (cha-cha-cha)».
Racyjanalizujučy Łukašenka pryvodzić dovady na karyść žorstkich mier padaŭleńnia pratestaŭ i surovych pakarańniaŭ, a intelektualizujučy kaža, da prykładu, nastupnaje: «Tak, śmiarotnaje pakarańnie nieabchodnaje: biełarusy za jaje prahałasavali. I naohuł isnujuć praviły... Kali ja prymaŭ rašeńnie ab śmiarotnaj kary, ja takija pieražyvańni adčuvaŭ za blizkich asudžanych... (tra-ta-ta-ta-ta) ».
Adnak samyja raspaŭsiudžanyja formy admaŭleńnia realnaści parušeńniaŭ pravoŭ i svabodaŭ u Biełarusi, jakija vykarystoŭvajucca A. Łukašenka, - heta:
1) manipulacyi: «Ja troški demakratyzujusia: kahości nie pasadžu, kahości vypušču, a vy mnie hrošyki daścio. A kali nie daścio, pajdu i znoŭ pasadžu»;
2) skandały: «Navažciesia tolki ŭvieści sankcyi, ja pakažu vam, dzie raki zimujuć!»;
3) i / abo pošuki achviarnaha kazła: «Kali b u vas była takaja apazicyja, vy b paviesilisia».
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi6
Kamientary