Režysior «Masakry» Kudzinienka zvolniŭsia z «Biełaruśfilma»
Jak i viadomaja animatarka Iryna Kadziukova.
Hiendyrektar «Biełaruśfilma» Aleh Silvanovič paviedamiŭ, što nie praciahnuŭ kantrakt z Andrejem Kudzinienkam. Miž tym režysior zajaviŭ «Salidarnaści», što sam nie zachacieŭ zastavacca na nacyjanalnaj kinastudyi.
U pasłužnym śpisie režysiora Andreja Kudzinienki 5 poŭnamietražnych filmaŭ. Najbolš viadomyja jaho pracy — «Akupacyja. Misteryi «(2003)," Rozyhryš «(2008) i» Masakra «(2010). Apošniuju karcinu režysior źniaŭ na «Biełaruśfilmie», kudy jaho zaprasili niezadoŭha da hetaha.
Dniami na sustrečy sa słuchačami kinaškoły hiendyrektar nacyjanalnaj kinastudyi Aleh Silvanovič paviedamiŭ, što vyrašyŭ nie praciahvać kantrakty z šeraham
— Ja vydatna razumieju chto taki Kudzinienka i chto takaja Kadziukova (Iryna Kadziukova — adno z samych viadomych asob biełaruskaj animacyi — S.). Ujaŭlaju ich maštaby. I ŭ toj ža čas jak kiraŭnik, jak mieniedžer, ja pavinien dumać pra toje, jak kinastudyja źbirajecca ŭpłyvać na novuju madel kinavytvorčaści, —rastłumačyŭ Silvanovič.
Hiendyrektar «Biełaruśfilma» mieŭ na ŭvazie ŭkaz № 567 ab dziaržpadtrymcy kiniematahrafii ad 5 śniežnia 2011 hoda, zhodna ź jakim u Biełarusi budzie pravodzicca konkurs kinaprajektaŭ i manapolii nacyjanalnaj kinastudyi prychodzić kaniec.
Miž tym
Andrej Kudzinienka zajaviŭ «Salidarnaści», što sam syšoŭ z «Biełaruśfilma».
— Adździeł kadraŭ niekalki razoŭ prasiŭ mianie praciahnuć ale ja sam nie staŭ hetaha rabić, bo nie baču ŭ hetym sensu na dadzieny momant, — paviedamiŭ režysior.
Pavodle jaho słoŭ, ich dalejšaje supracoŭnictva z «Biełaruśfilmam» mahčyma. Dla hetaha dastatkova zaklučyć dahavor na stvareńnie kankretnaj karciny, dzie ŭmovy supracy buduć abmiarkoŭvacca ŭ indyvidualnym paradku.
— U bližejšy čas u suviazi z novymi ŭmovami finansavańnia kino ŭ Biełarusi budu ŭdzielničać u abvieščanym konkursie Ministerstva kultury. Na bazie pryvatnaj biełaruskaj studyi z prajektam u konpradukcyi z rasijskimi kiniematahrafistami pry padtrymcy rasijskaha Ministerstva kultury, —padsumavaŭ Kudzinienka.
-
Film «Kłasnaja»: pahladzieli jaho, kab zrazumieć, jakimi «jany» chočuć bačyć «nas»
-
Novy film z Dy Kaprya idzie amal try hadziny, a scenar da jaho pisaŭsia 20 hadoŭ. Ci varta hladzieć?
-
U Kitai aŭstralijski film puścili ŭ prakat źmienienym z dapamohaj štučnaha intelektu. Hiej-paru pieratvaryli ŭ hieterasieksualnuju
Kamientary