Staršynia Minharvykankama paćvierdziŭ fakt pieramovaŭ pra mahčymaść znosu vakzała.
Na minułym tydni źjaviłasia infarmacyja pra mahčymy znos aŭtavakzała «Maskoŭskaha». U aŭtorkavym vypusku haziety «Sovietskaja Biełoruśsija» staršynia Minharvykankama Mikałaj Ładućka faktyčna paćvierdziŭ najaŭnaść takich płanaŭ.
«Takija prapanovy jość. Zaraz my znachodzimsia na stadyi pieramovaŭ. Adkidvać ich całkam nie treba. Aŭtavakzał «Maskoŭski» siońnia zahružany mienš čym na 60%. Heta — nie klučavoje transpartnaje jadro.Mižharodnija maršruty ŭ stanie pryniać aŭtavakzały «Uschodni» i «Centralny». Što tyčycca pryharadnych napramkaŭ, to kab nie ŭščamić intaresy pasažyraŭ, treba tolki daabstalavać aŭtobusnyja stancyi na vulicach Karbyšava i Rusijanava. Heta nie tak doraha.
Z punktu hledžańnia pomnika architektury — vakzał takim nie źjaŭlajecca. Tamu kazać pra toje, što znos «Maskoŭskaha» stanie dla horada vialikaj strataj, nielha. Chaj lepš tam źjaviacca fiešenebielnyja administracyjnyja budynki sučasnaha vyhladu, arendnaje žyllo, spartyŭnyja abjekty, handlovyja kompleksy, transpartnaja raźviazka.Heta stvoryć novy stymuł dla adkryćcia pradstaŭnictvaŭ bujnych zamiežnych kampanij, bankaŭ, pryciahnie dadatkovyja finansavyja patoki. My pavinny prapanoŭvać novyja mahčymaści, kab Minsk staŭ bujnym finansavym, transpartnym, kulturnym, zabaŭlalnych, adukacyjnym centram.
* * *
Aŭtavakzał «Maskoŭski» adkryŭsia 19 žniŭnia 1999 hoda. Na 7-m respublikanskim architekturnym forumie «Brest 99» budynak atrymaŭ Hran-pry za lepšuju pabudovu hoda. U 2002 hodzie aŭtavakzał pryznana lepšym architekturnym budynkam hoda.
Hladzi jašče: «Ekzotyka»: U Minsku stvorać «biełaruskija kvartały»
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj15
Kamientary