«Ja viedaju, što moj syn nijakich prašeńniaŭ nikoli nie padpiša, — pierakanany Viktar Paŭłavič. — Mikoła mnie kazaŭ, što nie zrobić hetaha navat pad pahrozaju śmierci, bo jon — nijaki nie złačyniec. I mnie kaliści nakazvaŭ ni ŭ jakim razie nie prasić za jaho, kali raptam na mianie buduć cisnuć».
Adnak, jak pryznajecca Viktar Paŭłavič, była b jaho baćkoŭskaja vola, siońnia jon pahadziŭsia b, kab Mikoła napisaŭ prašeńnie: «Heta ž moj syn. Mnie škoda, što tak minaje jaho žyćcio. Jon nie moža bačyć svaich dziaciej, žonki. Dy i ja ci ŭžo ŭbaču jaho… Ale, kaniečnie ž, jon mianie nie pasłuchaje».
Hałoŭnaje, što turbuje siońnia baćku, heta nieviadomaść taho, što nasamreč adbyvajecca ź jaho synam. Viktar Paŭłavič kaža, što ad jaho mnohaje chavajuć, usiaho nie havorać, kab nie rasstrojvać: «Ja tolki niadaŭna daviedaŭsia, što ŭ kamiery z maim synam dva miesiacy znachodziŭsia chvory na suchoty, i što niadaŭna Mikołu rabili zdymki lohkich, pra vyniki jakich nie paviedamlajuć… Nu, heta ž biesčałaviečna! Heta sapraŭdnaje źvierstva!.. Maje niervy ŭžo nie vytrymlivajuć…»
***
26 maja 2011 hoda sud Leninskaha rajona Minska pryhavaryŭ Mikałaja Statkieviča da šaści hadoŭ pazbaŭleńnia voli ŭ kałonii ŭzmocnienaha režymu. Sud pryjšoŭ da vysnovy, što mienavita Statkievič razam ź jašče adnym kandydatam u prezidenty, Dźmitryjem Usam, «rychtavali masavyja biesparadki» i ŭznačalvali «biasčynstvujučy natoŭp» padčas šeścia pa praśpiekcie Niezaležnaści 19 śniežnia 2010 hoda.
12 studzienia 2012 h. Statkievič byŭ pieraviedzieny na try hady na turemny režym.
Piać byłych siłavikoŭ prasili svaich kaleh nie być zališnie žorstkimi. Ciapier im pahražajuć vielizarnyja terminy9
Kamientary