Minharvykankam: «My sami ź internetu daviedalisia pra hety «stalinobus»
Zamiest Stalina tam pahadžajucca raźmiaścić na aŭtobusach partrety Kupały i Kołasa.
Infarmacyja pra chutkaje źjaŭleńnie ŭ Minsku aŭtobusa z partretami Stalina, jakaja fihuravała ŭ błohu inicyjataraŭ akcyi, aburyła ŭvieś bajnet. Miarkujecca, što aŭtobus pačnie jeździć 6 traŭnia ŭ honar hadaviny Dnia pieramohi. Adnak va Upraŭleńni handlu i pasłuhaŭ Minharvykankama infarmacyju abviarhajuć.
«Nie. Ja sama ŭ internecie tolki što pračytała. Vielmi ździviłasia. Da nas nijakich dakumientaŭ nie pastupała», — raskazvajuć tam karespandentu.
Na prapanovu, raźmiaścić na staličnych aŭtobusach partrety Kupały i Kołasa čynoŭnica reahuje z entuzijazmam. I narakaje, što pakul nichto z takoj idejaj nie źviartaŭsia. A škada. 130 hadoŭ kłasikam spaŭniajecca. U adździele rekłamy «Minsktransa» pra «stalinobus» taksama ničoha nie čuli.
vohule, nakont Stalina ja ničoha nie mahu raskazać. A kab raźmiaścić takuju vyjavu, treba atrymać pašpart. Na lubuju transpartnuju rekłamu treba atrymać pašpart».
Kaštuje raźmiaščeńnie rekłamy na minskich aŭtobusach, tralejbusach i tramvajach kapiejki — ad 280 tysiač za hod. Vyrab nalepak daražejšy.Za aŭtobus treba zapłacić užo kala 2 miljonaŭ.Samaje składanaje — atrymać pašpart na rekłamu. Hetym zajmajecca ahienctva
«Na našym sajcie aznajomiciesia z pakietam dakumientaŭ. Źbirajecie ich. Tady prychodzicie da nas u „
Siarod nieabchodnych dakumientaŭ — zajava, makiet vyjavy, zhoda uładalnika transpartnaha srodku i jašče bolš za dziesiać roznych papieraŭ. I navat hetaha mała. Kali zachočacie raźmiaścić niešta na aŭtobusach, tralejbusach, albo tramvajach — treba atrymać dazvoł DAI. Tam vyrašać, padabajecca im vaša ideja, albo nie.
«Kali zvyčajny pašpart, to uzhadniajecca ŭ kamitecie architektury, upraŭleńni handlu i pasłuhaŭ. A kali na transpart, to jašče i ŭ DAI.
Spadabajecca-nie spadabajecca im, koler tam…»
Za pašpart treba zapłacić jašče 450 tysiač. Ahułam, raźmiaščeńnie rekłamy na adnym aŭtobusie na hod kaštuje kala troch miljonaŭ rubloŭ. Adnak navat kali dakumienty na «stalinobus» padaduć siońnia, da Dnia pieramohi ŭzhadnić jaho ŭsio adno nie paśpiejuć. Jeŭraradyjo źviazałasia z rasijskimi inicyjatarami akcyi.
Kamientary