U Biełarusi zaćvierdžany novyja pamiery minimalnych spažyvieckich biudžetaŭ (MSB) dla vaśmi sacyjalna-demahrafičnych hrup nasielnictva.Ab hetym paviedamili ŭ adździele kompleksnych prablem raźvićcia sacyjalna-pracoŭnaj śfiery Ministerstva pracy i sacyjalnaj abarony.
Siaredniedušavy minimalny spažyviecki biudžet siamji z čatyroch čałaviek z 1 maja pa 31 lipienia hetaha hoda składaje Br1 młn. 171 tys. 590 u raźliku na miesiac.
Heta na 6,4 % pieravyšaje narmatyŭ, jaki dziejničaje z 1 lutaha pa 30 krasavika 2012 hoda.
Pavodle słoŭ śpiecyjalistaŭ, asnoŭnyja krynicy raschodaŭ siaredniedušavoha MSB siamji z čatyroch čałaviek u cenach sakavika 2012 hoda nastupnyja: pradukty charčavańnia - 55 %ŭ, adzieńnie, bializna, abutak - 22,4 %, karystańnie žyłym pamiaškańniem i kamunalnyja pasłuhi - 4,9 %, bytavyja pasłuhi, transpart, suviaź - 4,7 %, pradmiety kulturna-bytavoha i haspadarčaha pryznačeńnia - 8,5 %, kulturna-aśvietnyja mierapryjemstvy i adpačynak - 1,4 %, uznosy i płaciažy - 0,8 %, pradmiety sanitaryi, hihijeny, lakarstvy - 2,5 %.
Zaćvierdžany taksama siaredniedušavyja minimalnyja spažyvieckija biudžety maładoj siamji z troch čałaviek - Br1 młn. 236 tys. 640, pracazdolnaha nasielnictva - Br1 młn. 484 tys. 580, piensijanieraŭ - Br1 młn. 160 tys. 190, studentaŭ - Br1 młn. 163 tys. 860, dziaciej va ŭzroście da 3 hadoŭ - Br921 tys. 830, dziaciej va ŭzroście ad 3 da 6 hadoŭ - Br1 młn. 108 tys. 220, dziaciej va ŭzroście ad 6 da 18 hadoŭ - Br1 młn. 323 tys. 510.
U adpaviednaści z zakanadaŭstvam, minimalny spažyviecki biudžet ujaŭlaje saboj raschody na nabyćcio naboru spažyvieckich tavaraŭ i pasłuh dla zadavalnieńnia asnoŭnych fizijałahičnych i sacyjalna-kulturnych patrebnaściej čałavieka.
MSB prymianiajecca jak sacyjalny narmatyŭ dla prahnazavańnia źmianieńniaŭ uzroŭniu žyćcia nasielnictva, uzmacnieńnia sacyjalnaj padtrymki małamajomnych hramadzian, abhruntavańnia minimalnych pamieraŭ dziaržaŭnych sacyjalnych harantyj.-0
Kamientary