Pa fakcie vybuchu 25 krasavika hranaty ŭ Kobrynie, u vyniku jakoha zahinuli dva miascovyja žychary, baćka i syn, śledčym adździełam upraŭleńnia Kamiteta dziaržaŭnaj biaśpieki pa Bresckaj vobłaści 30 krasavika była raspačata sprava na padstavie artykuła 289 Kryminalnaha kodeksa (teraryzm). Pra heta paviedamili va UKDB.
Nahadajem, vybuch zdaryŭsia na pustečy ŭ rajonie vulicy Družba pryblizna ŭ 20.30. Ab nadzvyčajnym zdareńni ŭ Kobrynski RAUS paviedamiŭ učastkovy inśpiektar milicyi. U vyniku vybuchu hranaty zahinuli dva čałavieki — baćka 1957 hoda naradžeńnia i syn 1979 hoda naradžeńnia. Na miesca zdareńnia vyjazdžała apieratyŭna-śledčaja hrupa ź liku supracoŭnikaŭ UKDB pa Bresckaj vobłaści, upraŭleńnia Śledčaha kamiteta pa Bresckaj vobłaści, UUS Bresckaha abłvykankama, abłasnoha ŭpraŭleńnia MNS, a taksama śpiecyjalisty sapiorna-piratechničnaj hrupy ŭnutranych vojskaŭ.
Praktyčna adrazu stała viadoma, što baćka pryciahvaŭsia da adkaznaści pavodle artykuła 186 KK (pahroza zabojstvam, naniasieńniem ciažkich cialesnych paškodžańniaŭ abo źniščeńniem majomaści), syn praciahły čas znachodziŭsia ŭ Paŭnočnakaŭkazskim rehijonie Rasii i niadaŭna viarnuŭsia ŭ Kobryn.
Praviaralisia roznyja viersii, u tym liku ab tym, što siamja mahła mieć dačynieńnie da arhanizacyi nielehalnaha zbytu srodkaŭ paražeńnia, mahčyma ŭ intaresach kankretnych zamoŭcaŭ ź liku nielehalnych mihrantaŭ.
Jak paviedamili va UKDB pa Bresckaj vobłaści 2 maja, padčas praviadzieńnia pravierki pa fakcie vybuchu źjaviłasia dadatkovaja infarmacyja, jakaja pasłužyła padstavaj dla raspačynańnia kryminalnaj spravy pavodle artykuła «Teraryzm».
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ11
Kamientary