Na trysta tysiač u miesiac.
U Słaŭharadskim rajonie Mahiloŭskaj vobłaści adnoŭlenaja sistema prodažu tavaraŭ pieršaj nieabchodnaści ŭ pazyku. Vyklučeńnie składajuć harełačnyja i tytuniovyja vyraby, paviedamlaje internet-sajt Słaŭharadskaj rajonnaj haziety “Prysožski kraj”.
Kožny žychar Słaŭharadskaha rajona zmoža pazyčyć u kramach praduktaŭ i tavaraŭ pieršaj nieabchodnaści ŭ na sumu ŭ pamiery trysta tysiač rubloŭ na adnaho pakupnika ŭ miesiac.Rašeńnie rajonnych uładaŭ padajecca jak čarhovaje śviedčańnie kłopatu ab prostych ludziach.
Miž tym, raniej
sistema nabyćcia samaha nieabchodnaha ŭ kramach u pazyku isnavała ŭ Mahiloŭskaj vobłaści na praciahu šerahu hadoŭ. Kali jana była admienienaja niekalki hadoŭ tamu, miascovyja ŭłady tłumačyli heta jak jaskravaje śviedčańnie rostu dabrabytunasielnictva “kvitniejučaj” Biełarusi.
Zaraz
ułady Słaŭharadskaha rajona sami paćvierdzili toj fakt, što prostym ludziam nie chapaje mizernych zarobkaŭ i piensij navat na tavary pieršaj nieabchodnaści.Nahadajem, što
ŭ padručnikach pa historyi savieckich časoŭ fakt prodažu tavaraŭ pa zapisu ŭ pazykovych knižkach u pieryjad caryzmu ŭzhadvaŭsia jak jaskravy prykład žabrackaha stanu nasielnictva i žorstkaj ekspłuatacyi pracoŭnych.
Pa dadzienych Biełstatu, naminalnaja naličanaja
siaredniemiesiačnaja zarabotnaja płata pa Słaŭharadskamu rajonu za studzień-luty hetaha hoda skłała 1 956,2 tys. rubloŭ.Realnaja zarabotnaja płata da adpaviednaha pieryjadu minułaha 2011 hoda skłała tolki 91,5 %.
Zastajecca tolki nahadać, što artykuł 21 Kanstytucyi Respubliki Biełaruś kaža pra toje, što “Zabieśpiačeńnie pravoŭ i svabod hramadzian Respubliki Biełaruś źjaŭlajecca najvyšejšaj metaj dziaržavy. Kožny maje prava na hodny ŭzrovień žyćcia, uklučajučy dastatkovaje charčavańnie, adzieńnie, žyllo i pastajannaje palapšeńnie nieabchodnych dla hetaha ŭmoŭ”.
-
Biełaruskuju movu na ispytach vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty
-
«Na adčuvalnyja temy — tolki doma abo kali hulaješ pieššu. Heta ciapier baza». Biełarusy raskazali pra samacenzuru ŭ ich žyćci
-
U Brest prybłukaŭ małady łoś VIDEA
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary