U Minsku zdymajecca «zasakrečany» maskoŭski film ź Iharam Viernikam.
«Heta aburalna! Takoje prynižeńnie!» -- patelefanavaŭ u NN uzrušany čytač. Jaho, navukovaha supracoŭnika, začapiła toje, što na placoŭcy pierad hałoŭnym korpusam Nacyjanalnaj Akademii navuk zdymajecca rasijskaje kino. I
dziela zdymak nad uvachodam u budynak zamianili nadpis. Ciapier heta «Moskovskij horodskoj sud».Na ścienach budynku, jaki jość navat na biełaruskich hrošach — šyldy «Moskovskij horodskoj sud» z hierbam RF, a nad imi — rasijskija trykałory Pobač stajać «taksoŭki» z rasijskimi numarami, farba na jakich jašče nie paśpieła vysachnuć.
Scena zdymajecca prosta na hanku. Staić mašyna z aśviatlalnaj i hukaaparaturaj, kamiery.
U kadry pracuje rasijski akcior Ihar Viernik u kampanii z efiektnaj błandzinkaj.
Rabotniki Akademii ździŭlajucca novaj šyldzie, ale ŭsiaredzinu traplajuć biez prablem.
Jaki film zdymajecca vyśvietlić nie ŭdałosia: rasiejcy ad kamientaroŭ admaŭlajucca, za ŭsie kantakty z presaj adkazvaje biełaruskaja administracyja, jakaja na zdymačnaj placoŭcy adsutničała.
U sakrataryjacie Akademii navuk žurnalistu «Našaj Nivy» taksama raskryć nazvu filma admovilisia, spasłaŭšysia na toje, što Akademija padpisała damovu z kinastudyjaj ab nierazhałošvańnipadrabiaznaściaŭ zdymkaŭ. Udakładnili tolki, što film mastacki, a nie navukovy.
Miarkujučy pa charaktarnym hieroi i dekaracyjach, na prystupkach Akademii stvarajecca čarhovaja kryminalna-luboŭnaja historyja z žyćcia sučasnaj Rasii. I, vidać, kinastudyi nie pa kišeni zdymać jaje kala realnaha Maskoŭskaha haradskoha suda -- praściej arandavać niebahatuju i niehanarlivuju Nacyjanalnuju Akademiju navuk Biełarusi.
Kamientary