Žurnalisty rasstavili kryžyki testavańnia naŭzdahad. Try vyniki — usie prachadnyja
Minimum dla pastupleńnia — 7 bałaŭ na CT.
Na enierhietyčny fakultet BNTU letaś pastupiŭ abituryjent z vynikam testa pa fizicy ŭ 1 bał sa 100 mahčymych. Ale chłopiec vylecieŭ na pieršaj ža siesii. «Toj užo nie vučycca, pastupiŭ na płatnaje. Usiaho ŭ jaho było 100 bałaŭ, z usich troch testaŭ. Ale jon nie zdaŭ pieršuju ž siesiju, da fiziki nie dajšoŭ», — pryhadvajuć na Enierhietyčnym fakultecie i spadziajucca nie na testavańnie, a na pieršuju siesiju.
U Bresckim piedahahičnym univiersitecie chvalujucca. Bo prachadnuju miažu dla abituryjentaŭ pavysili da 7 bałaŭ. I ciapier abituryjentaŭ…. nie chopić!!!
«My ž adsiejvajem 10–12%, kali ŭvodzim hraničny bał u 7 bałaŭ. I moža atrymacca, što my nie zapoŭnim usie biudžetnyja miescy.Takoje było i ŭ minułym hodzie na niekatorych piedahahičnych śpiecyjalnaściach. Letaś na zavočnaje padavali z 2, z 3 bałami. Mahčyma, jany prajšli na płatnaje», — kažuć u pryjomnaj kamisii ŭniviersiteta.
«Letaś byli i tyja, chto z 2 bałami pa profilnych pradmietach pastupaŭ.Ale jany nie zdali pieršuju ž siesiju. Mienš za 20% pravilnych adkazaŭ, navat i havorki niama pra toje, kab brać takich va ŭniviersitet», — ščyra pryznajucca na fizičnym fakultecie BDPU imia Maksima Tanka.
Sioleta abituryjenty, jakija nabrali mienš za 7 bałaŭ sa 100 mahčymych, nie mohuć pastupać u VNU.A ci składana nabrać hetyja 7 bałaŭ na testavańni? Nabyvajem dapamožnik «Fizika, analiz pamyłak» ad Instytuta kantrolu viedaŭ za 2011 hod.
Znachodzim trenirovačny test. Žurnalisty «rašali» test utraich, navat nie čytajučy zadańniaŭ, kryžyki stavili naŭzdahad. Maksimalny bał — 9,5. Astatnija dvoje nabirajuć nieabchodnyja dla pastupleńnia 7 bałaŭ.
Možna iści na fizfak, pa fizikach, kažuć ciapier niedabor. Darečy, letaś siaredni bał na testavańni pa fizicy skłaŭ usiaho 18,6, a ŭ 2010-m — navat 14,4.
Kali nazvać rečy svaimi imionami, heta aznačaje, što z chvalonych biełaruskich škołaŭ vychodziać vučni, jakija nie viedajuć absalutna, zusim ničoha.
Pa mierkavańni ministra adukacyi Siarhieja Maskieviča «miaža ŭ 7 bałaŭ dazvolić adsiejać kala 10 tysiač čałaviek». A heta prykładna 10% ad usich abituryjentaŭ.
Jakaść navučańnia ŭ zachodnich univiersitetach dasiahajecca ŭ tym liku i vysokimi patrabavańniami da studentaŭ.Tak, u Francyi paśla pieršaha kursu adsiejvajecca pałova ŭsich studentaŭ — nie zdajuć siesii. U Biełarusi ž mnohija VNU možna skončyć, jak i siarednija škoły, — z tym samym minimumam viedaŭ.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»23
Kamientary