U ofisie «Viasny» sudovyja vykanaŭcy apisali majomaść na 16 młn. rubloŭ
Vopis praviali try sudovyja vykanaŭcy ahulnych sudoŭ u prysutnaści dvuch paniatych — supracoŭnikaŭ ŽESa.
Pošuk paniatych zaniaŭ praciahły čas, tamu što žychary doma admaŭlalisia vykonvać hetu rolu, daviedaŭšysia, što sprava źviazana z palitykaj.
Jak paviedamiła BiełaPAN pravaabaronca Taćciana Raviaka, ofis nie apiačatany.
«Tamu pakul pravaabarončy centr budzie pracavać tut.Kolki budzie doŭžycca takaja situacyja — dzień, tydzień abo miesiac, budzie zaležać ad dalejšych sudovych rašeńniaŭ», — skazała jana.
Razam z tym, zaznačyła Raviaka, pravaabaroncy ŭśviedamlajuć, što ofis budzie kanfiskavany. «Tamu my zaraz šukajem pamiaškańnie, u jakim budzie raźmieščany novy ofis. Pravaabarončaja rabota takaja, što pracavać asobna pa svaich kvaterach my nie zmožam», — skazała jana. Raviaka paviedamiła, što asabliva važnaj budzie praca ŭ ahulnym ofisie padčas parłamienckich vybaraŭ, za chodam jakich pravaabaroncy buduć aktyŭna nazirać.
Žonka staršyni «Viasny» Alesia Bialackaha Natalla Pinčuk zajaviła, što ličyć vopis majomaści niezakonnym, jak i rašeńnie suda ŭ dačynieńni da muža.
U hetym ofisie «Viasna» raźmiaščałasia 11 hadoŭ.
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary