+ Šerah rašeńniaŭ vykankama Fiederacyi chakieja.
Takoje rašeńnie było pryniata na praviedzienym napiaredadni pasiadžeńni vykankama Fiederacyi chakieja Biełarusi.
Pieršy etap Kubka Biełarusi projdzie z 13 pa 22 žniŭnia, a finalny matč budzie zhulany na«Minsk-Arenie» 1 vieraśnia. Skład hrup papiaredniaj stadyi i kalandar turniru buduć abvieščany paźniej.
Vykankam FCHRB pryniaŭ taksama niekalki važnych rašeńniaŭ pa rehłamientu majučaha adbycca adkrytaha čempijanatu Biełarusi pa chakieju. Jak paviedamlałasia, samym rezanansnym ź ich stała zabarona z novaha siezona na zamiežnych varataroŭ u biełaruskich kłubach ekstralihi. Samym pikantnym ŭ hetaj situacyi źjaŭlajecca toje, što try kłuby — hrodzienski «Nioman», salihorski «Šachcior» i «Homiel» ŭžo majuć dziejučyja kantrakty z zamiežnymi hałkipierami. I ciapier za daterminovaje skasavańnie pahadnieńniaŭ im napeŭna daviadziecca vypłačvać ihrakam niaŭstojku.
Bolš žorstkim staŭ i limit na lehijanieraŭ. Ciapier u adnym matčy zmohuć pryniać udzieł nie bolš jak 4 inšaziemcy ŭ kožnaj kamandzie.
Abmiežavańnie na uzrostavych ihrakoŭ, starejšych za 28 hadoŭ, zastajecca raniejšym — nie bolš jak 7 chakieistaŭ u kamandzie.
Chakiejnamu kłubu «Lida» pradastaŭlena hadavaja adterminoŭka dla farmiravańnia
Minimalnyja finansavyja harantyi dla ŭdziełu ŭ čempijanacie Biełarusi kłubaŭ ekstralihi źnižany i zafiksavany na adznacy 100 tys. bazavych vieličyń.
Stol zarpłaty zastałasia na ŭzroŭni $75 tys. na kamandu ŭ miesiac, adnak zaraz heta suma pavinna ŭklučać i ŭsio bonusnyja vypłaty. Maksimalnyja premijalnyja za pieramohu ŭ asobnym matčy taksama zastajucca na raniejšaj adznacy $6 tys. na kamandu.
Pradstaŭniku Biełarusi ŭ KCHŁ minskamu «Dynama» dazvolena mieć dvafarm-kłuby ŭ ekstralizie.
Da 31 studzienia 2013 chakieisty zmohuć pierachodzić u «Dynama» i nazad niezaležna ad hramadzianstva — u vypadku, kali vykonvajucca ŭsie patrabavańni rehłamientaŭ KCHŁ i AČB. datyčycca umoŭ pierachodaŭ paśla 31 studzienia, to da abmierkavańnia hetaha pytańnia vyrašana viarnucca budučaj zimoj.-0-
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary