Aŭtar «Musarka» — pratestu suprać naviaźlivaha sačeńnia za ludźmi — abiacaje novyja kreatyvy.
Ivana Amielčanka paśla dvajnoj adsiedki na Akreścina raskazaŭ pra akaličnaści zatrymańnia i sudoŭ.
«NN»: Dla Vas heta byli pieršyja sutki?
Ivan Amielčanka: Nie. Pieršy raz mianie pasadzili na 15 sutak letaś padčas maŭklivych pratestaŭ — apładziravaŭ.
«NN»: Jak prachodzili ciapier sudy?
IA: Mianie sudzili za «drobnaje chulihanstva». Druhi raz,
jak vyśvietliłasia, ja łajaŭsia kala doma №136, ale nazvu vulicy nie pamiataju.
«NN»: Ale ź izalatara paśla 15 sutak Vas tak i nie vypuskali?
IA: Nie. Ja spuściŭsia ŭniz da dziažarnaha ŭ Centry izalacyi pravaparušalnikaŭ na Aksreścina, a mianie tam užo sustrakali. Jašče kali spuskaŭsia, ubačyŭ «uazik» ź milicyjantami. Ja navat za varoty nie vyjšaŭ.
«NN»: Na sudzie sparabavali davieści absurdnaść situacyi?
IA: U Maskoŭskim RAUSie da mianie padyšoŭ milicyjant, jaki zapytaŭsia, kolki ja chaču adsiadzieć. I skazaŭ, kali nie budu zajahvać sud, to atrymaju 5 sutak. Ja pavioŭsia na jaho słovy, ale viny nie pryznaŭ. Chacia ja nie vyklikaŭ «chutkuju dapamohu», nie zajaŭlaŭ advodu sudździ, atrymaŭ ža 10 sutak.
«NN»: Byli hatovyja da aryštu, kali sami pajšli ŭ milicyju?
IA: Viadoma. Jak jany mianie nie pasadziać?! — u ich ža kamanda, kali tak zaciata mianie šukali. Ja doma padrychtavaŭ rečy, kab mnie ich adrazu zatym pieradali na Akreścina.
«NN»: Ci byŭ na sudzie śpiecsłužbist ź videa?
IA: Tak.
«NN»: Kryŭdu vykazvaŭ?
IA: Pakryŭdžany, nie pakryŭdžany, ja nie viedaju. Ja ź im nie razmaŭlaŭ. A rapart pravaparušeńnia jon napisaŭ tolki ŭ toj dzień, kali ja sam pryjšoŭ zdavacca.
«NN»: U Vas była razmova z namieśnikam staršyni HUUS Minharvykankama Iharam Jaŭsiejevym. Pra što havaryli?
IA: Heta było ŭ Leninskim RUUSie ŭ dzień zatrymańnia. Jamu treba było pakazać, što hałoŭny jon tut. Chviliny dźvie razmaŭlali.
«NN»: Hramadskuju aktyŭnaść nie źbirajeciesia spyniać?
IA: Budu praciahvać.
Nielha spyniacca, kali ciabie razok pasadzili.
Ja ž zakonaŭ nie parušaju, na ražon nie lezu. Nie dumaju, što za mnoj budzie i nadta pilnaja ŭvaha. Bo ja navat ni ŭ jakoj arhanizacyi nie biaru ŭdziełu.
«Palavać» na Ivana Amielčanku pačali paśla šeścia na 26 krasavika. Tady jon z samarobnym płakatam «Musorok» staŭ pobač z adnym sa słužbistaŭ u cyvilnym, jakija naviaźliva zdymali na kamiery ŭdzielnikaŭ mirnaha, sankcyjanavanaha šeścia. U sudzie Ivan Amielčanka zajaviŭ, što na płakacie na samaj spravie było napisana pa-anhlijsku «My Cop Ok», što maje na ŭvazie pachvału milicyi. Sudździa Michaił Choma pad uvahu tłumačeńnie maładoha čałavieka nie pryniaŭ. Ivana asudzili na 15 sutak, a paśla jašče na 10.
Ciapier čytajuć
Jak skłaŭsia los pałkoŭnika Łosieva, jaki pakryvaŭ bandu marozaŭcaŭ i atrymaŭ 18 hadoŭ kałonii4
Kamientary