Raniej paviedamlałasia, što ŭ Partyzanskim rajonie Minska, na samym uschodzie stalicy, zapłanavana budaŭnictva novaha mikrarajona Zialony Bor — adrazu za terytoryjaj žyłoj zabudovy Kałodziščy-2. U inviestycyjnaj prahramie Minska znajšlisia danyja z płanavanym abjomam inviestycyj na budoŭlu.
Usiaho tam miarkujecca ŭźvieści kala 4,4 miljona kvadratnych mietraŭ žylla. Na pieršym etapie płanujecca budaŭnictva šmatkvaternaj žyłoj zabudovy na 952 tysiačy kvadratnych mietraŭ.
Nasielnictva mikrarajona składzie 36,5 tysiač čałaviek. Pry realizacyi 2-ha etapa nasielnictva moža pavialičycca da zapłanavanych 105 tysiač čałaviek (104 tysiačy — u šmatkvaternych damach, 1 tysiača — u siadzibnym fondzie).
Na 2025 hod sumy byli praduhledžanyja niaznačnyja i, chutčej za ŭsio, jany ŭklučajuć tolki prajektnyja raboty. Ciapier stała viadoma, što ŭ hetym hodzie budaŭnictva dakładna nie pačniecca, piša Blizko.by.
Samaj rańniaj dataj, kali da budaŭnictva mohuć usio ž prystupić, nazyvajecca 2026 hod. Pra heta ŭ efiry prahramy «Havoryć i pakazvaje Minsk» raskazaŭ kiraŭnik administracyi Partyzanskaha rajona Mikałaj Palakoŭ, zaŭvažyŭ sajt Kolodischi.info:
«Ciapier prajektujecca transpartna-inžyniernaja infrastruktura da pieršaha kvartała budaŭnictva. My spadziajemsia, što ŭ nastupnym hodzie vyjdziem na placoŭku ŭ ramkach budaŭnictva transpartna-inžyniernaj infrastruktury».
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary