Siońnia Mižnarodny dzień u padtrymku achviaraŭ katavańniaŭ
U Biełarusi jon supadaje z Dniom prakurorskaha rabotnika -- 90-ja ŭhodki stvareńnia prakuratury ŭ BSSR.
Prablema katavańniaŭ dla Biełarusi «zastajecca vielmi aktualnaj». Takuju dumku vykazaŭ pravaabaronca Valancin Stefanovič z nahody Mižnarodnaha dnia ŭ padtrymku achviaraŭ katavańniaŭ, jaki abvieščany Hienasamblejaj AAN u 1997 hodzie i adznačajecca va ŭsim śviecie 26 červienia.
Jak skazana ŭ śpiecyjalnaj rezalucyi AAN, hety mižnarodny dzień skiravany na poŭnaje vykaranieńnie katavańniaŭ i zabieśpiačeńnie efiektyŭnaści Kanviencyi suprać katavańniaŭ i inšych žorstkich, biesčałaviečnych abo prynižajučych hodnaść vidaŭ abychodžańnia i pakarańnia, pryniataj AAK u 1984 hodzie.
Biełaruś ratyfikavała Kanviencyju ŭ studzieni 1987 hoda, adnak, na dumku pravaabaroncaŭ, prablema katavańniaŭ u krainie stała jašče bolš aktualnaj. Paśla prezidenckich vybaraŭ 2010 hoda jana asabliva ŭzmacniłasia, padkreślivaje Stefanovič.
«Utrymańnie byłych kandydataŭ u SIZA KDB možna ličyć katavańniami i biesčałaviečnym abychodžańniem.Heta i nieabhruntavanaje prymianieńnie fizičnaj siły (praściej kažučy, źbivańni), i źmiaščeńnie zatrymanych na „raściažku“ praktyčna hołymi pry minusavaj tempieratury, i šmat što inšaje — pra heta paviedamili kandydaty ŭ prezidenty», — nahadaŭ pravaabaronca.
Katavańni, zaznačyŭ Stefanovič, prymianialisia i da administracyjna zatrymanych i paśla padziej 19 śniežnia: «Šmathadzinnaje stajańnie na marozie, tvaram da ściany, bieź ježy, vady i niemahčymaści schadzić u prybiralniu — heta taksama katavańni».
Pavodle słoŭ pravaabaroncy, biełaruskija pravaachoŭnyja orhany sistematyčna vykarystoŭvajuć katavańni jak sposab damahčysia pryznalnych pakazańniaŭ.«Ludziej źbivajuć, prymianiajuć hetak zvanuju łastaŭku, kali nohi prasoŭvajucca praz skavanyja naručnikami za śpinaj ruki, nadziavajuć miašok na hałavu, pazbaŭlajučy ich pavietra i hetak dalej», — pieraličyŭ Stefanovič.
Jon asabliva vyłučyŭ vypadki, kali maralnyja katavańni prymianiajucca da zusim nievinavatych ludziej. «Heta adnosicca da prablemy śmiarotnaj kary. Svajakam nie vydajecca cieła pakaranaha śmierciu čałavieka dla pachavańnia, nie vydajucca jaho asabistyja rečy. U hetym vypadku isnuje rašeńnie AAN ab tym, što takija dziejańni taksama pryraŭnavanyja da katavańniaŭ», — padkreśliŭ pravaabaronca.
U bolšaści ž vypadkaŭ, zaznačyŭ Stefanovič, prablema katavańniaŭ u Biełarusi nosić «łatentny charaktar». «Časta ludzi prosta nie źviartajucca ŭ prakuraturu i da pravaabaroncaŭ pa fakcie katavańniaŭ, tamu što viedajuć — rasśledavać prymianieńnie katavańniaŭ z boku pravaachoŭnych orhanaŭ buduć sami pravaachoŭnyja orhany. Paciarpiełyja nie vierać, što katavańniam budzie dadziena naležnaja acenka i chtości paniasie za heta adkaznaść», — patłumačyŭ pravaabaronca.
Situacyja, pavodle jaho słoŭ, uskładniajecca ad taho, što ŭ biełaruskim zakanadaŭstvie nie prapisany sam termin «katavańni» i, adpaviedna, nie praduhledžana adkaznaść za ich prymianieńnie.
«U nas jość tolki artykuł „Pieravyšeńnie słužbovych paŭnamoctvaŭ“, dzie ŭ častcy treciaj prapisany i nasilnyja dziejańni, ale asobnaha artykuła ab katavańniach niama — i heta vialikaja prablema.Pravaabaroncy ŭžo doŭhi čas dabivajucca ŭviadzieńnia paniaćcia „katavańni“ ŭ zakanadaŭstva», — paviedamiŭ Stefanovič.
Pravaabaronca vykazaŭ nadzieju, što Biełaruś
«Niachaj by jon sustreŭsia ź dziaržaŭnymi strukturami, z nami, z hramadzianskimi aktyvistami, z deputatami Pałaty pradstaŭnikoŭ. Moža, tady b sprava zrušyłasia ź miortvaj kropki», — vykazaŭ mierkavańnie Valancin Stefanovič.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi2
Kamientary