Infarmacyjny adździeł Homielskaj jeparchii paviedamlaje, što ŭ Mazyrskaj i Turaŭskaj jeparchii paŭtaryłasia apahanieńnie chramaŭ. Pabita škło, nadpisy i malunki antychryścijanskaha źmiestu nadrapany na ścienachŚviata-Michajłaŭskaha kafiedralnaha sabora i chrama Sierhija Radaniežskaha, jaki ŭžo byŭ apahanieny ŭ sakaviku 2012 hoda.
«Pravasłaŭnych Homielščyny zasmučaje, što znachodziacca «śmiełyja», jakija advažvajucca svaimi dziejańniami źnievažać pracu mnohich ludziej pa adnaŭleńni duchoŭnaści ŭ horadzie, rajonie, vobłaści. Vierniki pierakanany, što pakarańnie za zroblenaje niepaźbiežnaje, bo apostał Pavieł u zvarocie da Hałataŭ havoryć:
«Nie abmanvajciesia: Boh źniavažanym nie byvaje. Što pasieje čałaviek, toje i pažnie», — adznačaje kiraŭnik infarmacyjnaha adździeła Homielskaj jeparchii protaijerej Aleh Kastrama.
Nahadajem, mazyrski chram u imia Sierhija Radaniežskaha byŭ apahanieny ŭ noč z 17 na 18 sakavika. Nieviadomy napisaŭ na ścianie carkvy: «Hary, dreń» i namalavaŭ pieraviernutyja kryžy — znak satanistaŭ. Pa hetym fakcie była raspačata kryminalnaja sprava na padstavie art. 341 (apahanieńnie zbudavańniaŭ i psavańnie majomaści).
Kamientary