Pałata pradstaŭnikoŭ pryniała zakonaprajekt ab amnistyi
Deputaty pałaty pradstaŭnikoŭ na pasiadžeńni 27 červienia pryniali ŭ dvuch čytańniach zakonaprajekt "Ab amnistyi niekatorych katehoryj asob, jakija ŭčynili złačynstvy".
Pavodle słoŭ ministra ŭnutranych spraŭ Ihara Šunieviča, Biełaruś "zaŭsiody realna prymianiała pryncyp humanizmu ŭ dačynieńni da źniavolenych, dajučy im šanc vyzvalicca daterminova".
Šunievič paviedamiŭ, što zakonaprajekt maje dźvie navacyi: pieršaja — pad amnistyju padpadajuć asudžanyja za asobnyja ekanamičnyja złačynstvy pry ŭmovie poŭnaj kampiensacyi naniesienaha ich dziejańniami ŭronu; druhaja — na adzin hod moža być skaročany termin za karupcyjnyja złačynstvy.
U zakonaprajekcie pieraličanyja asoby, na jakich amnistyja nie raspaŭsiudžvajecca. Siarod ich asudžanyja za złačynstvy, praduhledžanyja artykułami 293 (masavyja biesparadki), 342 (arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich), 367 (paklop u dačynieńni da prezidenta), 369-3 (parušeńnie paradku arhanizacyi abo praviadzieńnia masavych mierapryjemstvaŭ).
Šunievič paviedamiŭ, što ŭ vyniku amnistyi ź miescaŭ pazbaŭleńnia voli vyjduć 2.880 tysiač čałaviek. Ministr taksama padkreśliŭ, što prymianieńnie amnistyi nie akazvaje niehatyŭnaha ŭpłyvu na kryminahiennuju situacyju ŭ krainie.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary