Niadziela, 24 červienia 2012 hodu, kali manachi-redemptarysty i ŭsie hreka-katoliki Ŭkrainy razam ź śviatam Chrysta Čałaviekalubcy ŭšanoŭvajuć cudatvorny abraz Maci Božaj Niastomnaj Dapamohi, stała asablivym dniom dla biełaruskaha manacha-redemptarysta Źmitra Čarniela. U hety dzień u Lvovie hreka-katolik ź Biełarusi brat Źmicier Čarniel atrymaŭ dyjakanskija śviačańni.
U Lvovie ŭ niadzielu, 24 červienia, parafijanie carkvy błasłavionaha biskupa Mikałaja Čarnieckaha, ČNA, adznačali taksama svajo chramavaje śviata. (Pamiać biskupa-mučanika, jaki byŭ u mižvajenny čas Apostalskim vizitataram dla hreka-katolikaŭ na Vałyni, Padlaššy i Paleśsi, a ŭ 1939-1940 hh. časova ŭznačalvaŭ Biełaruski ekzarchat HKC, u liturhičnym kalendary ŭšanoŭvajecca 27 červienia). Archirejskuju Boskuju Liturhiju ŭ hety śviatočny dzień uznačaliŭ Uładyka Ihar Voźniak, redemptaryst, archibiskup i mitrapalit Lvoŭski. Razam ź im sasłužyli jašče dva biskupy, jakija naležać da hreka-katalickaj manaskaj supolnaści Čynu Najśviaciejšaha Adkupiciela: Uładyka Michaił Hrynčyšyn, Apostalski ekzarch dla ŭkraincaŭ Francyi, krainaŭ Bieniluksa i Švajcaryi, i Ściapan Meniok, Ekzarch Daniecka-Charkaŭski, a taksama śviatary-redemptarysty.
Padčas Liturhii Ŭładyka Ihar Voźniak vyśviaciŭ na dyjakanaŭ bratoŭ redemptarystaŭ ukrainca Andreja Chacku i biełarusa Źmitra Čarniela. Źviartajučysia da novapastaŭlenych dyjakanaŭ, Uładyka Ihar prapanavaŭ im brać za ŭzor dla svajho słužeńnia novazapavietnaha dyjakana “Ściapana, muža, poŭnaha viery i Ducha Śviatoha” (Dz 6, 5), i pažadaŭ im hodna i rupliva vykonvać novyja abaviazki na słužbie Bohu.
Dyjakan Źmicier Čarniel pachodzić z haradzienskaj hreka-katalickaj parafii Maci Božaj Facimskaj, sam rodam ź Dziatłaŭščyny. U svoj čas skončyŭ histaryčny fakultet u Haradzienskim dziaržaŭnym univiersitecie imia Ja. Kupały, dzie byŭ adnym z najlepšych studentaŭ svajho vypusku. Navučaŭsia ŭ Lvoŭskaj duchoŭnaj sieminaryi Śviatoha Ducha i Ŭkrainskim katalickim univiersitecie ŭ Lvovie na fiłasofska-bahasłoŭskim fakultecie, śpiecyjalizujučysia ŭ carkoŭnaj historyi.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary