Pakul što biełaruskija daśledčyki žyvuć na staroj rasijskaj bazie.
Jak paviedamiŭ načalnik Respublikanskaha centra palarnych daśledavańniaŭ (RCPD) Uładzimir Filimonaŭ, heta praduhledžana adpaviednym płanam, jaki zaćvierdžany na ŭzroŭni Nacyjanalnaj akademii navuk, Ministerstva pryrodnych resursaŭ i achovy navakolnaha asiarodździa i ŭzhodnieny ź Ministerstvam finansaŭ. Pavodle jaho słoŭ,
nacyjanalnuju antarktyčnuju bazu płanujecca ŭźvieści ŭ rajonie hary Viačerniaj u Antarktydzie, niepadalok ad rasijskaj antarktyčnaj bazy, jakaja ciapier biazvypłatna pradastaŭlena rasijskim bokam dla raźmiaščeńnia biełarusaŭ. Infrastruktura hetaj bazy "u značnaj stupieni sastarełaja" i małaprydatnaja dla pražyvańnia ludziej.
Jak paviedamiŭ Filimonaŭ, zhodna z płanam, nacyjanalnaja biełaruskaja baza budzie budynkam modulnaha typu. Jana budzie ŭklučać słužbova-žyłyja i łabaratornyja moduli, nieabchodnyja techničnyja zbudavańni i kanstrukcyi. Usie jany buduć adkazvać patrabavańniam ekałahičnaj biaśpieki. Miarkujecca, što
baza budzie raźličana na znachodžańnie 10-12 čałaviek.Razhladajecca pytańnie ab tym, kab moduli dla budaŭnictva vyrablalisia ŭ Biełarusi.
Jak adznačyŭ načalnik RCPD, płan pa budaŭnictvie antarktyčnaj bazy raźličany da 2018 hoda.
Jak zajaviŭ namieśnik načalnika RCPI Alaksiej Hajdašoŭ, budaŭnictva ŭłasnaj antarktyčnaj bazy daść mahčymaść biełarusam zajavić svaju prysutnaść na ledzianym kantyniencie. Z zakładkaj pieršaha modula novaj bazy
biełaruskija palarniki zmohuć padniać u Antarktydzie nacyjanalny ściah krainy jak paŭnapraŭnaha člena dahavora ab Antarktycy.
Jak adznačyŭ Hajdašoŭ, jašče ŭ časy SSSR na ledzianym kantyniencie pabyvała bolš za 150 biełaruskich navukoŭcaŭ. Da dahavora ab Antarktycy Biełaruś dałučyłasia ŭ 2006 hodzie, z hetaha času biełarusy ŭdzielničajuć u zasvajeńni kantynienta ŭ składzie rasijskich ekśpiedycyj. Z 2007 hoda ŭ pracesie ekśpiedycyj biełaruskimi palarnikami była stvorana asnova dla arhanizacyi nacyjanalnaj antarktyčnaj bazy: zavieziena abstalavańnie žyćciezabieśpiačeńnia, srodki suviazi i transpartu.
Jak padkreśliŭ Hajdašoŭ,
svaju navukova-łahičnuju dziejnaść u ramkach damovy ab Antarktycy Biełaruś źviazvaje z Rasijaj.Krainy padrychtavali mižuradavaje pahadnieńnie ab supracoŭnictvie ŭ Antarktycy, jakoje pavinna być padpisana ŭ bližejšy čas.
Kamientary