Siońnia spaŭniajecca dvanaccać hod, taho dnia jak byŭ vykradzieny žurnalist i apieratar ORT Dźmitryj Zavadski.
Na praciahu hety dvanaccaci hadoŭ, śledčyja orhany Biełarusi tak i nia vyśvietlili, što ž zdaryłasia ź Dźmitryjem Zavadzkim paśla taho jak jon byŭ vykradzieny.Za vykradańnie Dźmitryja byli asudžanyja supracoŭniki specsłužbaŭ V.Ihnatovič i M.Malik. Asudžanyja nie pryznali svajoj viny, a cieła Dźmitryja Zavadzkaha tak i nie było znojdziena. Tak sama nia vyśvietlenyja zamoŭščyki vykradańnia Dźmitryja.
Sprava ab zabojstvie Dźmitryja Zavadzkaha ŭ apošni raz była prypynienaja ŭ krasaviku 2006 hodu.U traŭni 2006-ha hienieralny prakuror Biełarusi Piotr Mikłaševič paviedamiŭ na pres-kanferencyi što « ŭ dadzieny čas miescaznachodžańnie Zavadzkaha nie vyznačana, ale prakuratura Biełarusi praciahvaje jaho pošuk. Raniej pravodzilisia pravierki šerahu epizodaŭ pa hetaj spravie, i jany pravodziacca ŭ dadzieny čas».
Dvanaccać hod rodnyja i blizkija Dźmitryja Zavadzkaha imknucca daviedacca praŭdu ab hetym žachlivym vykradańni.Ale lubyja zvaroty ŭ dziaržaŭnyja orhany natykajucca na «ścianu maŭčańnia». Sproby arhanizacyi hramadskich akcyj, z mejtaj pryciahnieńnia ŭvahi da źniknieńnia Dźmitryja, zaŭsiody sustrakali žorstki razhon z boku milicyi. Paŭstaje pytańnie «Čamu ŭłady Biełarusi pieraškadžajuć ahałošvańnia hramadstva ab spravie Dźmitryja Zavadzkaha?».
Śviatłana Zavadzkaja raspaviała vydańniu «Salidarnaść». — Stolki hod maŭjaańnia ŭładaŭ… Z kožnym hodam ja usio bolš pierakonvajusia: da hadałki nie chadzi, zrazumieła, z čym heta źviazana, i chto vinavaty… Ja tak dumała, što na kaho-niebudź paviesiać zabojstva Dźmiy, kab supakoić hramadzkaść. Ihnatovič (hałoŭny fihurant spravy) kazaŭ, što majho muža ŭ vočy nia bačyŭ, a viedaŭ ab im tolki pa fotazdymkam u presie.
Rodnyja Dźmitryja Zavadskaha vykazvajuć padziaku ŭsim ludziam i arhanizacyjam, katoryja dapamahajuć zachavać pamiać ab źnikłych ludziach u Biełarusi i nia dapuścić u dalejšym na našaj ziamli takich žachlivych złačynstvaŭ.
Pryjdzie čas, i praŭda stanie viadomaj! I los Dźmitryja nia budzie vyklučeńniem z hetaha praviła! Pakarańnie pryjdzie nia tolki da tych chto zamoviŭ i ździejśniŭ heta žachlivaje złačynstva, ale i da tych chto ŭsie hetyja hady pieraškadžaje jaho raskryćciu.
My pamiatajem!
Kamientary