Da ścienaŭ biełaruskaha pasolstva ŭ Maskvie ŭskłali plušavych miadźviedzianiataŭ
U rasijskaj stalicy prajšła sieryja adzinočnych pikietaŭ u padtrymku hramadzianskaj supolnaści Biełarusi.
Udzielniki praviedzienych 3 žniŭnia ŭ Maskvie adzinočnych pikietaŭ uskłali plušavych miedźviedzianiataŭ da biełaruskaha pasolstva.
Jany pakłali cacki na akno i prylapili naklejku z malunkam miedźviedzianiaci i nadpisam «Žyvie Biełaruś!». U pavietra byli zapuščany pavietranyja šaryki ŭ vyhladzie miadźviedziaŭ.
Sieryja adzinočnych pikietaŭ u padtrymku hramadzianskaj supolnaści Biełarusi prajšła na Čystaprudnym bulvary.
Mižnarodny dzień salidarnaści z hramadzianskaj supolnaściu Biełarusi budzie adznačacca 4 žniŭnia bolš čym u 10 krainach pa inicyjatyvie šerahu mižnarodnych i nacyjanalnych pravaabarončych arhanizacyj. Roŭna hod tamu ŭ hety dzień byŭ aryštavany biełaruski pravaabaronca Aleś Bialacki, staršynia zakrytaha ŭładami pravaabarončaha centra «Viasna» i
Adzin z udzielnikaŭ pikieta, prezident Centra raźvićcia demakratyi i pravoŭ čałavieka Juryj Džybładze zajaviŭ, što rasijskija pravaabaroncy salidarnyja z hramadzianskaj supolnaściu Biełarusi, jakaja vystupaje za svabodu i pravy čałavieka, ale padviarhajecca za heta represijam.
«Važna, kab ludzi ŭ Biełarusi viedali, što jany nie adny i ich padtrymlivajuć u roznych krainach», — skazaŭ jon.
Taksama, pavodle słoŭ Džybładze, akcyja adrasavana palitykam i ŭradam roznych krain, jakija prama ci ŭskosna padtrymlivajuć biełaruski režym, naprykład, kredytami abo praz handal, jak Jeŭrasajuz.
3 žniŭnia pradstaŭniki šerahu rasijskich pravaabarončych arhanizacyj pieradali ŭ biełaruskaje pasolstva pietycyju z patrabavańniem vyzvalić Bialackaha i inšych palitźniavolenych.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie44
Kamientary