Dvaccać piać abituryjentaŭ hetaha hoda pakinuli ŭ błankach CT niecenzurnyja vyrazy — videa
Padčas centralizavanaha testavańnia hetaha hoda «asablivaje abureńnie vyklikali źnievažalnyja vychadki» abituryjentaŭ, zajaviŭ staršynia Savieta Respubliki Nacyjanalnaha schodu — kiraŭnik dziaržkamisii pa kantroli za chodam padrychtoŭki i praviadzieńnia ŭstupnych ispytaŭ va ŭstanovach vyšejšaj i siaredniaj śpiecyjalnaj adukacyi ŭ 2012 hodzie Anatol Rubinaŭ 24 žniŭnia na
Pavodle jaho słoŭ, 25 čałaviek, u tym liku adna dziaŭčyna, u błankach centralizavanaha testavańnia zamiest adkazaŭ pakinuli niecenzurnyja vyrazy.
«Ja nie viedaju, što ŭ ludziej u mazhach. Heta niejki pratest suprać čahości? Suprać čaho? Ułasnaj duraści, ułasnaha nievuctva?» — ździviŭsia Rubinaŭ. Pavodle jaho słoŭ, treba vyśvietlić, u jakich škołach vučylisia hetyja abituryjenty, kab nie dapuścić paŭtoru situacyi.
Rubinaŭ padkreśliŭ, što dziaržkamisija anulavała vyniki vyprabavańniaŭ CT hetych abituryjentaŭ, niezaležna ad taho, vykanali jany zadańni ci nie.
Usiaho, pavodle słoŭ Rubinava, u CT hetaha hoda ŭziali ŭdzieł prykładna 139 tys. abituryjentaŭ. Padčas ispytaŭ ad udziełu ŭ CT byli adchileny 44 abituryjenty — za vykarystańnie mabilnych telefonaŭ, šparhałak i inšyja parušeńni.
Kamientary