Дваццаць пяць абітурыентаў гэтага года пакінулі ў бланках ЦТ нецэнзурныя выразы — відэа
Падчас цэнтралізаванага тэставання гэтага года «асаблівае абурэнне выклікалі зневажальныя выхадкі» абітурыентаў, заявіў старшыня Савета Рэспублікі Нацыянальнага сходу — кіраўнік дзяржкамісіі па кантролі за ходам падрыхтоўкі і правядзення ўступных іспытаў ва ўстановах вышэйшай і сярэдняй спецыяльнай адукацыі ў 2012 годзе Анатоль Рубінаў 24 жніўня на
Паводле яго слоў, 25 чалавек, у тым ліку адна дзяўчына, у бланках цэнтралізаванага тэставання замест адказаў пакінулі нецэнзурныя выразы.
«Я не ведаю, што ў людзей у мазгах. Гэта нейкі пратэст супраць чагосьці? Супраць чаго? Уласнай дурасці, уласнага невуцтва?» — здзівіўся Рубінаў. Паводле яго слоў, трэба высветліць, у якіх школах вучыліся гэтыя абітурыенты, каб не дапусціць паўтору сітуацыі.
Рубінаў падкрэсліў, што дзяржкамісія анулявала вынікі выпрабаванняў ЦТ гэтых абітурыентаў, незалежна ад таго, выканалі яны заданні ці не.
Усяго, паводле слоў Рубінава, у ЦТ гэтага года ўзялі ўдзел прыкладна 139 тыс. абітурыентаў. Падчас іспытаў ад удзелу ў ЦТ былі адхілены 44 абітурыенты — за выкарыстанне мабільных тэлефонаў, шпаргалак і іншыя парушэнні.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары