Jon śćviardžaje, što miascovyja supracoŭniki rehularna zaprašajuć jaho na hutarki.
U redakcyju «Našaj Nivy» źviarnuŭsia žychar Vaŭkavyska Alaksandr Siezień. Jon pierapisvajecca ź Mikałajem Aŭtuchovičam.
Alaksandr śćviardžaje, što apošnija dva jahonyja listy da palitviaźnia nie dajšli. A 21 žniŭnia jamu nibyta patelefanavaŭ supracoŭnik KDB i zaprasiŭ na hutarku. Kali jon admoviŭsia, to patelefanavaŭ inšy supracoŭnik i taksama prapanavaŭ sustrecca.
Na sustreču kadebist pryjechaŭ na ŭłasnym aŭto. Pa słovach Alaksandra, jany razmaŭlali pra jahonyja pajezdki za miažu, a taksama pra pierapisku z Aŭtuchovičam.
Alaksandr kaža, što z boku miascovych kadebistaŭ heta nie pieršaja sproba zaviazać ź im kantakt. Pieršaja padobnaja sustreča, pa jaho słovach, adbyłasia niekalki hod tamu, kali jon u sudzie asprečvaŭ svajo zvalnieńnie z pradpryjemstva «Biełłakt».
«Mnie niama pra što ź imi razmaŭlać. Kali niešta majuć da mianie, to niachaj afarmlajuć adpaviednyja dakumienty i zaprašajuć na hutarki aficyjna», — kaža jon.
Alaksandr Siezień kaža, što maje invalidnaść, na siońnia jon biespracoŭny.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary