U łukašenkaŭskich hazietach fotazdymki z kiraŭnikom dziaržavy abaviazkova retušujuć. A voś televizijniki pakul słaba navučylisia «karystacca fatašopam». A hady biaruć svajo...
Nichto z prostych śmiarotnych nikoli nie bačyŭ Alaksandra Łukašenki ŭ akularach. Adnak jon imi karystajecca.
Pra heta śviedčać ŭłasna sami akulary, jakija znachodzilisia na stale prezidenta (levaruč jaho) padčas narady 11 vieraśnia.
Błohier d-zholik adznačyŭ, što "ŭ adzin z haračych momantaŭ, kali Łukašenka aktyŭna žestykulavaŭ - biespaśpiachova sprabujučy dastukacca da hłybiń śviadomaści vysokapastaŭlenych biełaruskich čynoŭnikaŭ - jon ledź nie raźbiŭ svaje akulary, zajechaŭšy pa ich rukoj".
Łukašenku 58 hadoŭ, i ŭvaha hramadstva da jahonaha zdaroŭja tłumačycca dźviuma pryčynami. Pa-pieršaje, ułada nie adkrytaja: u adroźnieńnie ad demakratyčnych krain, dzie dziaržaŭnyja dziejačy prazrystyja dla hramadskaści, infarmacyja pra asabistaje žyćcio ci zdaroŭje kiraŭnika Biełarusi jość tolki ŭskosnaja. Pa-druhoje, pry najaŭnym ładzie zdaroŭje dyktatara — hałoŭny palityčny čyńnik.
