Były deputat Viarchoŭnaha Savietu i pałaty pradstaŭnikoŭ Volha Abramava skazała, što pryjšła na vybarčy ŭčastak i pierakreśliła svoj biuleteń tłustymi linijami z dvuch bakoŭ, tak, što nie zaŭvažyć heta niemahčyma.
Jana kaža, što heta samaje dziejsnaje hramadzianskaje dziejańnie, kali ty vyrazna abaznačaješ svajo staŭleńnie da takoj systemy vybaraŭ.
«Kali ludzi nie prychodziać na ŭčastki hałasavać, to, adpaviedna, pavialičvajecca kolkaść hałasoŭ, padadzienych za praŭładnych kandydataŭ. U nas ža, aproč sacyjolahaŭ, mała chto źviartaje ŭvahu na toje, ad jakoha pracenta ličycca kolkaść tych, chto prahałasavaŭ „za“.Ad tych, chto pryjšoŭ, adpaviedna. Tamu kali ludziej prychodzić bolš prahałasavać i jany vykazvajuć niazhodu, hałasujučy albo suprać usich, ci pierakreślivajučy biuleteni, adpaviedna ŭsie hetyja ličby fiksujucca i dakładajucca. Kolkaść niezadavolenych u dziaržavie stanam rečaŭ u roznych formach abaznačajecca. Ułada abviazanaja reahavać na heta i karektavać svaju palityčnuju i inšuju praktyku».
Abramava skazała, što, a 14 hadzinie na ŭčastku ŭ mienskaj himnazii № 6 (Niakrasava, 24) nie było nivodnaha vybarca.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary