U Pieršamajskim rajonie Minska zatrymanaja hrupa padletkaŭ, jakija krali rovary.
Jak paviedamili ŭ HUUS Minharvykankama, piać minčan va ŭzroście 16—19 hadoŭ z maja pa žnivień hetaha hoda ŭčynili sieryju kradziažoŭ rovaraŭ.Vykradalisia rovary z padjezdaŭ žyłych damoŭ pa vulicach Vałhahradskaj, Knoryna, Tałbuchina, Łahojskim trakcie i praśpiekcie Niezaležnaści. Jany pranikali ŭ padjezdy i abśledavali pavierchi. Kradziažy ŭčynialisia hałoŭnym čynam poźnim viečaram.
Pazvaniŭšy ŭ damafon, padletki prasili adčynić dźviery, spasyłajučysia na zabytyja klučy. Zachodzili ŭ padjezdy pa dva-try čałavieki i padnimalisia na zahadzia prykmiečany pavierch. Supraćuhonnyja i zapornyja pryłady rovaraŭ uzłomlivalisia ci pierakusvalisia pry dapamozie instrumientaŭ.
Vykradzienyja transpartnyja srodki koštam ad 300 da 500 dołaraŭ apieratyŭna pradavalisia pa vielmi nizkich cenach — za 300-400 tysiač rubloŭ. Utarhavanyja hrošy saŭdzielniki dzialili paroŭnu.
Padazronyja byli zatrymanyja ŭ vyniku praviadzieńnia apieratyŭna-vyšukovych mierapryjemstvaŭ supracoŭnikami kryminalnaha vyšuku Pieršamajskaha RUUS. Dvoje ź ich byli raniej sudzimymi za kradziež, adzin — za niezakonny abarot narkatyčnych srodkaŭ.
19-hadovy arhanizatar złačynstvaŭ znachodzicca ŭ SIZA, astatnija — adpuščanyja pad abaviazacielstva jaŭki.
Pavodle acenak apieratyŭnikaŭ ad dziejańniaŭ złodziejaŭ paciarpieli jak minimum 15 uładalnikaŭ rovaraŭ. Ahulnaja suma ŭronu skłała prykładna 30 miljonaŭ rubloŭ. Dačynieńnie hrupy da inšych padobnych złačynstvaŭ praviarajecca.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva82
Kamientary