Minskaje «Dynama» ledź nie ździejśniła siensacyju ŭ Barsiełonie ŭ trecim svaim matčy hrupavoha raŭnda handbolnaj Lihi čempijonaŭ.
Padapiečnyja Siarhieja Biabieški dali boj adnamu z najmacniejšych kłubaŭ Jeŭropy — katałonskaj «Barsiełonie», sastupiŭšy ź likam 24:25.
Pryčym paśla pieršaha tajma dynamaŭcy viali ź likam 13:12, a ŭ druhim tajmie vyjhravali z roźnicaj u 6 miačoŭ!
Nahadajem, što ŭ pieršym tury «Dynama» prajhrała ŭ haściach bierlinskamu «Fiuchse» 25:29, a na svajoj placoŭcy 4 kastryčnika zhulali ŭničyju z «Zahrabam» 27:27.
Stanovišča kamandaŭ: Barsiełona — 6 (3 matčy), Zahrab (Charvatyja) — 3 (3), Pik (Siehied, Vienhryja) — 2 (2), Fiuchse (Bierlin, Hiermanija) — 2 (2), Kadeten (Šafchaŭzen, Šviejcaryja) — 2 (3), Dynama Minsk — 2 (3).
Nastupny matč «Dynama» praviadzie ŭ Minsku suprać vienhierskaha «Pika». Hulnia projdzie 18 kastryčnika (čaćvier) u Pałacy sportu.Pačatak a 18:30. Cana kvitka — 30 tys. rubloŭ.
15 listapada «Dynama» zhulaje ŭ Minsku sa šviejcarskim «Kadetenam».
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii25
Kamientary