Nazvali rajony Biełarusi, niespryjalnyja dla sielskaj haspadarki. Ich 65 sa 118
Urad vyznačyŭ biełaruskija rajony ź niespryjalnymi ŭmovami dla viadzieńnia sielskaj haspadarki na 2025—2029 hady. Adpaviednaja pastanova № 19 ad 14 studzienia apublikavanaja 18 studzienia na Nacyjanalnym pravavym internet-partale.
U pieralik niespryjalnych trapili 65 z 118 rajonaŭ Biełarusi.
U Homielskaj vobłaści takija amal usie rajony, vyklučeńnie tolki Žłobinski.
Da niespryjalnych terytoryj taksama adniesienaja značnaja častka Viciebskaj vobłaści — usie rajony, akramia Aršanskaha, Dubrovienskaha, Połackaha, Tałačynskaha i Šarkaŭščynskaha.
U Mahiloŭskaj vobłaści niespryjalnymi dla sielskaj haspadarki pryznanyja Białynicki, Babrujski, Bychaŭski, Hłuski, Kaściukovicki, Klimavicki, Kličaŭski, Krasnapolski, Mahiloŭski, Słaŭharadski, Chocimski, Čavuski, Čerykaŭski rajony.
Z Bresckaj vobłaści niespryjalnyja — Hancavicki, Łuniniecki, Pinski, Małarycki i Stolinski rajony, ź Minskaj — Biarezinski, Vałožynski, Vilejski, Krupski, Łahojski i Miadzielski rajony.
Najlepšyja ž umovy dla viadzieńnia sielskaj haspadarki — u Hrodzienskaj vobłaści, jak vynikaje z pastanovy Savietu Ministraŭ. Tam pryznanyja niespryjalnymi tolki čatyry rajony: Dziatłaŭski, Iŭjeŭski, Navahradski i Śvisłacki.
Niespryjalnyja dla sielskaj haspadarki rajony — takija, dzie praz pryrodna-klimatyčnyja, hlebavyja, ekałahičnyja i sacyjalna-ekanamičnyja pakaźniki niemahčymaja arhanizacyja vysokarentabielnaj vytvorčaści. Sielskahaspadarčyja arhanizacyi ŭ takich rajonach atrymlivajuć dapłaty ź miascovych biudžetaŭ na vyrablenuju pradukcyju.
Śpis niespryjalnych dla sielskaj haspadarki rehijonaŭ składajecca raz na piać hadoŭ supolna ź Ministerstvam sielskaj haspadarki, Akademijaj navuk Biełarusi na padstavie źviestak Nacyjanalnaha statystyčnaha kamiteta, Ministerstva pracy i Dziaržaŭnaha kamiteta pa majomaści.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak5
Kamientary