29-hadovy biełarus z Horak staŭ dalaravym miljanieram u Maskvie
Pra maładoha miljaniera raspavioŭ rasijski Pieršy kanał u prahramie «Chaj havorać».
Dźmitryj Jurčanka źjechaŭ z Horak u Maskvu i tam staŭ sapraŭdnym dalaravym miljanieram. 24 kastryčnika jaho pakazali ŭ teleprahramie «Chaj havorać» rasijskaha Pieršaha kanała. Tema efiru była «dvaccacihadovyja miljaniery».
Dźmitryj zasnavaŭ u Maskvie kampaniju «Knopka žyćcia».Heta pieršaja firma ŭ Rasii, jakaja akazvaje pasłuhi ŭ śfiery personal emergency, h.zn. sistem sihnalizavańnia pra nadzvyčajnyja situacyi, naprykład, pra padzieńnie abo stratu śviadomaści.
Voś što piša pra biznes Jurčanki kommersant.ru:
«Pradprymalnik ź biełaruskaha horada Horki, jaki tolki što skončyŭ prahramu MVA maskoŭskaj
U ZŠA kampanija Lifewatch pačała davać takuju pasłuhu ŭžo ŭ 1980 hodzie.
Pažyłomu čałavieku abo invalidu, jakomu stała drenna, dastatkova było nacisnuć «tryvožnuju knopku», i sihnał pieradavaŭsia spačatku ŭ centr padtrymki kampanii, a zatym u słužbu chutkaj dapamohi.
Novy «małasiamiejny» ŭkład, jaki sparadziŭ miljony adzinokich starych, zrabiŭ pasłuhu personal emergency zapatrabavanaj i stvaryŭ novy rynak. Siońnia, praz 30 hadoŭ, jaho hadavy abarot u ZŠA składaje $1,5 młrd».
Jak pryznaŭsia ŭ efiry «Chaj havorać» sam Dźmitryj, jaho prybytak u 2012 hodzie dasiahnuŭ 45 miljonaŭ dalaraŭ.
Havorka idzie pra syna byłoha dyrektara AAT «Horackaja rajahrapramtechnika» Michaiła Vasiljeviča Jurčanki.
Dźmitryj Jurčanka naradziŭsia ŭ 1983 hodzie. U 21 hod pierajechaŭ z Horak u Maskvu, vyvučyŭ anhlijskuju movu, prajšoŭ šlach ad asistenta da finansavaha dyrektara i pastupiŭ u Maskoŭskuju škołu kiravańnia «Skołkava». Dośvied pradprymalnickaj dziejnaści: AdOffer, Investbutique.
Kamientary