Kniha, jak vyhadavać dzicia biełaruskamoŭnym, razyšłasia za dva dni
Układalnica Zosia Kustava: «Ja zrabiła alternatyvu tradycyjnamu bukvaru».
U dziaržaŭnym vydaviectvie «Mastackaja litaratura» vyjšła čytanka dla dziaciej «Azbukoŭnik i ličyłka», układzienaja Zosiaj Kustavaj i aformlenaja mastakom Uładzimiram Paščaścievym. Vydaviectva «Mastackaja litaratura» charaktaryzuje svajo vydańnie, jak «doŭhačakanaje i ŭnikalnaje, aprabavanaje daškolnymi ŭstanovami krainy».
Jak raskazali karespandentu «NN» u vydaviectvie, kniha vyjšła ŭ pačatku kastryčnika, u prodaž pastupiła ŭ pačatku hetaha tydnia i ŭžo amal pradadzienaja. Bolšuju častku vykupili biblijateki ŭ rehijonach, u kniharni pajšła niaznačnaja častka z 2000 nakładu — usiaho 150 asobnikaŭ.
Układalnica Zosia Kustava tłumačyć pośpiech knihi tym, što takoj litaratury ŭ Biełarusi mała. «Faktyčna, ja zrabiła alternatyvu tradycyjnamu bukvaru. Ja chacieła pašyryć koła aŭtaraŭ, jakija b pisali dla dziaciej, kab siarod ich byli i sučasnyja litaratary», — kaža ŭkładalnica. Nad čytankaj pracavali bolš za 70 aŭtaraŭ.
Zosia Kustava kaža, što pačała pracavać nad knihaj jašče tady, kali padrastała jaje dačka Valaryna. Faktyčna, rabiła hetuju knižku dla jaje. Aŭtaram kancepcyi jana nazyvaje svaju mamu — Valancinu Sałaŭjovu.
Što admietnaha ŭ knizie? «Ja zaprašaju da znajomstva z kožnaj litaraj, kožnaj ličbaj z dapamohaj aŭtarskaha tekstu. Niekatoryja teksty pisalisia admysłova na zamovu, naprykład, tekst Mikoły Malaŭki (znajomić ź litaraj «a» — NN)», — raskazvaje ŭkładalnica.
Kniha nie tolki znajomić dzietak ź litarami i ličbami, ale i vučyć ich etykietu. «Ja prydumała taki raździeł — «Kufar vietlivaści i dabryni». Našych dziaciej treba vučyć tamu, jak pavodzić siabie z darosłymi, naprykład. U našych aŭtaraŭ jość takija tvory i ja ich vykarystoŭvaju».
«Kutočak babuli Uścińni» znajomić dziaciej z prykładami vusnaj narodnaj tvorčaści.
«Mianie vychoŭvała babula Uścińnia i ja pryśviaciła joj raździeł u knizie. Usio pačynajecca z kałychanki. Chto zaśpiavaje jaje vam u malenstvie, na jakoj movie — z hetaha pačynajecca dzicia. Narodnaja tvorčaść — naša asnova».U knizie bahata kazak. Układalnica kaža, što adbirała akurat tyja kazki, jakija vučać dziaciej.
Zosia Kustava asabliva padkreślivaje, što ŭ čytanka zaklikanaja nie tolki vychoŭvajuć budučych intelektuałaŭ, ale najpierš hadavać biełarusaŭ.
Znajści «Azbukoŭnik i ličyłku» možna ŭ kramach «Biełknihi», a taksama zamović pa telefonie vydaviectva — (017) 203-58-09 (raźlik bieznajaŭny).
-
IT-hrupa na 1000 čałaviek u Minsku, što pryvoziła Tyla Švajhiera, syšła ŭ prastoj i zakryła dostup u ofis
-
Sud u Tbilisi admianiŭ rašeńnie Departamientu mihracyi Hruzii ab admovie ŭ prytułku pravaabaroncu Ramanu Kiślaku
-
«Robiać darosły hołas, chłusiać pra mamu». Navošta minskim školnikam masava spatrebilisia ščaniuki?
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary