Ab hetym jon zajaviŭ siońnia na pasiadžeńni Vykankama Nacyjanalnaha alimpijskaha kamiteta Biełarusi.
«Nastaŭ čas novaha pakaleńnia palitykaŭ va ŭsich śfierach i pa ŭsich napramkach, — adznačyŭ jon. — Siońnia naša zadača — spakojna, biez usialakaha šumu i hvałtu pryvieści da ŭłady narmalnych maładych palitykaŭ — 40–45 hadoŭ, da 50 hadoŭ», — cytuje jaho BiełTA.
«Ja nie prychilnik taho, kab u 25 hadoŭ pryznačać ministrami, i nie tolki tamu, što heta ludzi niavopytnyja, a važna, jak jaho buduć usprymać, kali jon pryjdzie i pačnie kiravać ludźmi ź vialikimi pahonami, — adznačyŭ Alaksandr Łukašenka. — Ja heta prachodziŭ, u 38 hadoŭ staŭšy prezidentam, i vielmi dobra heta viedaju. Ja zrazumieŭ, što ŭsiamu pavinny być svoj čas, u tym liku što tyčycca vieku, vopytu ludziej».
U papiarednija hady avansy niekatorym maładziejšym čynoŭnikam urešcie skančalisia apałaj (Tozik) i navat turmoj (Kazulin) za niesankcyjanavanuju aktyŭnaść.Varta adznačyć, što syn Łukašenki Viktar — 1976 hoda naradžeńnia.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady22
Kamientary