U Babrujsku — zbor podpisaŭ za prysvajeńnie vulicam horada imionaŭ represavanych piśmieńnikaŭ
U Babrujsku pradstaŭniki hramadskich arhanizacyj pačali zbor podpisaŭ za prysvajeńnie vulicam horada imionaŭ represavanych piśmieńnikaŭ Barysa Mikuliča i Siarhieja Hrachoŭskaha.
Jak paviedamiŭ staršynia haradskoj arhanizacyi Abjadnanaj hramadzianskaj partyi Viktar Buzinajeŭ, inicyjatyva prysvajeńnia imionaŭ represavanych litarataraŭ vulicam uźnikła padčas praviadzieńnia viečara pamiaci achviar stalinskich represij 29 kastryčnika.
. Aktyvisty nie kankretyzujuć, jakim vulicam jany chacieli b prysvoić imiony litarataraŭ, — tym, što ŭžo majuć nazvy, ci novym. «Prosta chočam, kab vulicy horada nasili imiony dastojnych ludziej», — adznačyŭ partyjny lidar.Pavodle jaho słoŭ, zboram podpisaŭ zajmajucca ŭ Babrujsku pradstaŭniki AHP, arhkamiteta pa stvareńni partyi «Biełaruskaja chryścijanskaja demakratyja»,
sacyjał-demakraty , a taksama «prosta haradžanie, jakija vykazali žadańnie ŭdzielničać u hetaj kampanii»
U toj ža čas, pa jaho śćviardžeńni, sustrakajucca ludzi, jakija bajacca padpisvacca.«Ludzi padpisvajucca vielmi aktyŭna. U mianie ŭžo kala 50 podpisaŭ sabrana. Navat telefanujuć i pytajucca, kudy možna pryjści padpisacca», — zajaviŭ Buzinajeŭ.
Aktyvisty sabrali niekalki socień podpisaŭ za prysvajeńnie vulicam imionaŭ Mikuliča i Hrachoŭskaha. Zbor podpisaŭ płanujecca zaviaršyć 5 listapada, paśla čaho razam z adpaviednym zvarotam jany buduć nakiravany staršyni Babrujskaha harvykankama Dźmitryju Bonachavu.
Kamientary