У Бабруйску — збор подпісаў за прысваенне вуліцам горада імёнаў рэпрэсаваных пісьменнікаў
У Бабруйску прадстаўнікі грамадскіх арганізацый пачалі збор подпісаў за прысваенне вуліцам горада імёнаў рэпрэсаваных пісьменнікаў Барыса Мікуліча і Сяргея Грахоўскага.
Як паведаміў старшыня гарадской арганізацыі Аб’яднанай грамадзянскай партыі Віктар Бузінаеў, ініцыятыва прысваення імёнаў рэпрэсаваных літаратараў вуліцам узнікла падчас правядзення вечара памяці ахвяр сталінскіх рэпрэсій 29 кастрычніка.
. Актывісты не канкрэтызуюць, якім вуліцам яны хацелі б прысвоіць імёны літаратараў, — тым, што ўжо маюць назвы, ці новым. «Проста хочам, каб вуліцы горада насілі імёны дастойных людзей», — адзначыў партыйны лідар.Паводле яго слоў, зборам подпісаў займаюцца ў Бабруйску прадстаўнікі АГП, аргкамітэта па стварэнні партыі «Беларуская хрысціянская дэмакратыя»,
сацыял-дэмакраты , а таксама «проста гараджане, якія выказалі жаданне ўдзельнічаць у гэтай кампаніі»
У той жа час, па яго сцвярджэнні, сустракаюцца людзі, якія баяцца падпісвацца.«Людзі падпісваюцца вельмі актыўна. У мяне ўжо каля 50 подпісаў сабрана. Нават тэлефануюць і пытаюцца, куды можна прыйсці падпісацца», — заявіў Бузінаеў.
Актывісты сабралі некалькі соцень подпісаў за прысваенне вуліцам імёнаў Мікуліча і Грахоўскага. Збор подпісаў плануецца завяршыць 5 лістапада, пасля чаго разам з адпаведным зваротам яны будуць накіраваны старшыні Бабруйскага гарвыканкама Дзмітрыю Бонахаву.
Цяпер чытаюць
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе23
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары