Turecki, kazachski i inšyja patencyjalnyja inviestary vykazvajuć cikavaść da kupli dziaržaŭnaj doli akcyj STAA «Mabilnyja TeleSistemy» («MTS»). Pra heta paviedamiŭ pieršy namieśnik staršyni Dziaržkamiteta pa majomaści Siarhiej Piatkoŭ 2 listapada ŭ Minsku na prezientacyi kampanii. U joj uziali ŭdzieł pradstaŭniki kampanij «Turksieł» (Turcyja) i «Ksieraks» (ZŠA).
«Pakul u nas idzie ŭsio na stadyi pieramoŭ», — udakładniŭ Piatkoŭ.
Jon nahadaŭ, što zajaŭlenaja acenka dziarždoli akcyj składaje 1 młrd. dołaraŭ, jana pravodziłasia dziaržaŭnym Instytutam nieruchomaści i acenki pa stanie na 1 červienia 2010 hoda. «Novaj pieraacenki nie płanujecca», — padkreśliŭ pradstaŭnik Dziaržkammajomaści.
Pavodle słoŭ Piatkova, praciahvajucca taksama pieramovy z rasijskim AAT «MTS», uładalnikam 49% akcyj STAA «MTS». «Ale pakul ich nie zadavalniaje cana», — dadaŭ jon.
Data praviadzieńnia novaha konkursu pa prodažy dziarždoli «MTS» budzie vyznačana paśla praviadzieńnia ŭ Minsku 15–16 listapada Biełaruskaha inviestycyjnaha forumu. Na im taksama płanujecca pravieści prezientacyju prapanovy ab prodažy dziarždoli MTS. Piatkoŭ nie vyklučyŭ mahčymaści źjaŭleńnia novych patencyjalnych inviestaraŭ, jakija zmohuć uziać udzieł u konkursie.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt23
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary