Zabojcy 13-hadovaj školnicy ŭ Stolinskim rajonie ŭ navahodniuju noč asudžanyja na 15 i 11 hadoŭ
Sudovaja kalehija pa kryminalnych spravach Bresckaha abłasnoha suda na vyjaznym pasiadžeńni ŭ Stolinie 2 listapada vyniesła pryhavor dvum žycharam Stolinskaha rajona, jakija zabili13-hadovuju adnaviaskoŭku Juliju Lašuk.
Jak paviedamiła načalnik adździeła prakuratury vobłaści Natalla Vasiarčuk, jakaja padtrymlivaje abvinavačańnie pa spravie, školnica ź vioski Ladziec źnikła nočču 1 studzienia 2012 hoda. Jaje cieła znajšli 15 studzienia niedaloka ad doma, dzie jana žyła. Ustanoŭlena, što pryčyna śmierci — miechaničnaja aśfiksija, vyklikanaja zakryćciom rota i nosa i ściskańniem orhanaŭ šyi tupymi ćviordymi pradmietami. Achviara taksama była zhvałtavana.
Pa abvinavačańni va ŭčynieńni złačynstva byli aryštavany dva žychary vioski Ladziec.Na momant złačynstva im było pa 17 hadoŭ, ciapier — pa 18. Adzin ź ich nidzie nie pracuje i nie vučycca, druhi — navučeniec Stolinskaha dziaržaŭnaha prafiesijnaha liceja sielskahaspadarčaj vytvorčaści.
Śledstvam i sudom ustanoŭlena, što złačynstvy byli ŭčynieny abvinavačvanymi ŭ stanie ałkaholnaha apjanieńnia i pa papiaredniaj zmovie 1 studzienia prykładna z 4.00 da 6.00.Pry hetym jany viedali, što ich achviara niepaŭnaletniaja.
Pavodle słoŭ Vasiarčuk, na sudovym pasiadžeńni maładyja ludzi pakazali, što jany napali na školnicu, kali taja viartałasia dadomu z navahodniaj dyskateki ź sielskaha Doma kultury. Chłopcy zakryvali svajoj achviary rot i nos rukami, dušyli za horła, pryvodziačy tym samym u stan nieprytomnaści. Paśla čaho dziaŭčynka była zhvałtavana, taksama ŭ dačynieńni da jaje ŭčynieny hvałtoŭnyja dziejańni sieksualnaha charaktaru. Zadušyŭšy školnicu, maładyja ludzi zakapali jaje cieła.
«Zabojstva svajoj achviary, spałučanaje sa zhvałtavańniem, učyniena abvinavačvanymi z pramym namieram: jany ŭśviedamlali hramadskuju niebiaśpieku svaich dziejańniaŭ, pradbačyli ich nastupstvy i žadali ich nadychodu», — dapoŭniła Vasiarčuk.
Praviedzienaja stacyjanarnaja kompleksnaja sudovajapsichołaha-psichijatryčnaja ekśpiertyza pryznała, što maładyja ludzi ŭ stanie śviadomaści.
«Na śledstvie abodva pakazvali, što za tydzień da Novaha hoda, vypivajučy, havaryli ab tym, ci mohuć zabić čałavieka. Uspomnili pra takuju hutarku na navahodniaj dyskatecy ŭ sielskim Domie kultury.
Toj, chto nidzie nie vučycca i nie pracuje, prapanavaŭ zabić hetu dziaŭčynku, bo dva hady tamu jana nie zachacieła ź im sustrakacca», — raskazała dziaržabvinavaŭca.
Sudovaja kalehija pa kryminalnych spravach Bresckaha abłasnoha suda pryznała maładych ludziej vinavatymi va ŭčynieńni złačynstvaŭ, praduhledžanych p. 7 i 15 č. 2 art. 139, č. 2 art. 166 i č. 2 art. 167 Kryminalnaha kodeksa (zabojstva zaviedama niepaŭnaletniaj u hrupie; zhvałtavańnie zaviedama niepaŭnaletniaj; hvałtoŭnyja dziejańni sieksualnaha charaktaru ŭ dačynieńni da niepaŭnaletniaj). Adzin ź ich taksama pryznany vinavatym va ŭčynieńni dvuch kradziažoŭ viełasipiedaŭ (č. 2 art. 205) i zamachu na kradziež viełasipieda (č. 1 art. 14, č. 2 art. 205).
Abvinavačvany, jaki nidzie nie pracuje i nie vučycca, pryhavorany da 15 hadoŭ pazbaŭleńnia voli, navučeniec prafiesijnaha liceja — da 11 hadoŭ pazbaŭleńnia voli. Abodva — z adbyvańniem pakarańnia ŭ papraŭčaj kałonii va ŭmovach ahulnaha režymu.
«Na sudovym pasiadžeńni jany pryznali svaju vinu poŭnaściu, prasili prabačeńnia ŭ baćkoŭ školnicy, u suda — stroha nie karać», — skazała Vasiarčuk.
Abvinavačvanyja stajali na ŭliku ŭ inśpiekcyi pa spravach niepaŭnaletnich, užyvali śpirtnyja napoi.
Pryhavor jašče nie nabyŭ zakonnuju moc i moža być abskardžany.
Kamientary