Palityka Nacyjanalnaha banka Biełarusi ŭzmacniaje inflacyjny nacisk na ekanomiku, kanstatujuć ekśpierty Jeŭrazijskaha banka raźvićcia (JEABR).
U kastryčnickim «Makramanitory SND», apublikavanym na sajcie JEABR (www.eabr.org), havorycca: «Palityka Nacyjanalnaha banka Biełarusi nabližajecca da rysy, pieraadoleŭšy jakuju, jana pačnie stymulavać paskareńnie rostu cen u krainie».
«Jak vidać, uvaha ŭład zrušyłasia ź mier pa stabilizacyi ekanamičnaha stanovišča ŭ krainie paśla padziej 2011 hoda da stymulavańnia ekanamičnaha rostu. U miežach hetaj zadačy lažyć asłableńnie palityki centralnaha banka i rost kredytavańnia ekanomiki», — adznačajuć bankaŭskija analityki.
Situacyja ź inflacyjaj, pavodle ich acenki, nie demanstruje prykmiet palapšeńnia.
«Na hetym fonie NBB paniziŭ staŭku refinansavańnia da 30% u vieraśni i płanuje davieści jaje da ŭzroŭniu 25–26% da kanca hoda i da 13–15% na praciahu 2013 hoda. Hety praces supravadžaŭsia prykmietnym uzmacnieńniem kredytnaj aktyŭnaści: pavodle vynikaŭ žniŭnia abjom bankaŭskaha kredytu ekanomicy vyras na 20,2% da śniežnia 2011 hoda ŭ paraŭnańni z 11,9% na kaniec červienia», — skazana ŭ dakumiencie.
«Va ŭmovach słabaha płaciežnaha bałansu i abmiežavanych mahčymaściaŭ krainy pa pryciahnieńni źniešniaha finansavańnia takaja źmiena palityki aznačaje ŭzrastańnie niehatyŭnych ryzyk dla stabilnaści ekanomiki», — adznačajuć ekśpierty JEABR.
Varta zaŭvažyć, što zaraz Jeŭrazijski bank raźvićcia, jaki kiruje srodkami Antykryzisnaha fondu JeŭrAzES, pravodzić acenku vykanańnia Biełaruśsiu ŭmoŭ atrymańnia čaćviortaha tranšu kredytu AKF.
***
15–20 kastryčnika ekśpierty JEABR naviedali Minsk, dzie sustrakalisia z pradstaŭnikami Minfina i Minekanomiki, Nacbanka i mižnarodnych finansavych instytutaŭ. Temaj sustreč stała acenka vykanańnia Biełaruśsiu ŭmoŭ dla atrymańnia čaćviortaha tranšu kredytu AKF u pamiery 440 młn. dołaraŭ.
«Paśla atrymańnia aficyjnaj spravazdačy ŭład Biełarusi ab vykanańni ŭmoŭ čaćviortaha tranšu JEABR praciahnie acenku prahresu, u tym liku na padstavie kansultacyj z zacikaŭlenymi viedamstvami Biełarusi. Spravazdača kiraŭnika pa acency statusu ŭmoŭ budzie razhledžana ekśpiertnym savietam fondu, a zatym na čarhovym pasiadžeńni Savieta fondu», — paviedamiła pavodle vynikaŭ vizitu ekśpiertaŭ
U svaju čarhu kiraŭnik praŭleńnia Nacbanka Nadzieja Jermakova adznačaje składanaści ŭ pieramovach z AKF JeŭrAzES. «Viadoma, heta niaprostyja pieramovy, na žal. Chaciełasia b, kab jany nas zrazumieli, i my spadziajemsia, što jany nas zrazumiejuć. Nu, a nie zrazumiejuć — budziem spraŭlacca sami», — zajaviła jana 18 kastryčnika.
Pryčyna składanaściaŭ, rastłumačyła Jermakova, u tym, što patrabavańni fondu mianiajucca ŭ bok uzmacnieńnia žorstkaści. «My spadziajemsia, što atrymajem ad Antykryzisnaha fondu tuju sumu, jakaja była prapisana pavodle pieršapačatkovaj prahramy. Ale prahrama robicca bolš žorstkaj, patrabavańni, jakija my pavinny vykanać, robiacca bolš žorstkimi», — skazała kiraŭnik Nacbanka.
Saviet AKF JeŭrAzES u červieni 2011 hoda ŭchvaliŭ vydzialeńnie Biełarusi ŭ 2011–2013 hadach kredytu ŭ abjomie 3 młrd. dołaraŭ. Try tranšy kredytu z šaści na ahulnuju sumu 1,68 młrd. užo atrymany.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary