Niečakanaja navina z Amieryki: znakamity hienierał Devid Petreus paviniŭsia.
Klintan taiŭsia, Miteran taksama, Sarkazi nie raz žaniŭsia, u našym kutku Jeŭropy ŭ hetym płanie robicca ŭvohule niemavied što, a kiraŭnik samaj mocnaj raźviedki śvietu syšoŭ u adstaŭku, bo pryznaŭsia, što zdradžvaŭ žoncy. Hienierał Devid Petreus, ź jakim źviazvajuć pośpiechi amierykanskaha vojska ŭ Iraku j Afhanistanie paśla pieryjadaŭ niaŭdač, skončyŭ svaju karjeru. Miž tym padžaramu aŭtaru antypaŭstanckaj stratehii Surge u Iraku praročyli navat i prezidenckaje kresła.
Abama pryniaŭ adstaŭku i padziakavaŭ hienierału za vydatnuju słužbu. «Ja budu malicca za Dejva i Choli Petreusaŭ», — havorycca pry kancy Abamavaha stejtmentu.
Kiraŭnikom Centralnaha raźviedvalnaha ŭpraŭleńnia Petreus byŭ ad vieraśnia 2011. Abaviazki kiraŭnika CRU časova vykonvaje pieršy namieśnik dyrektara.
Jak paviedamiŭ telekanał Foks, u Petreusa byŭ raman sa svaim asabistym bijohrafam, i raskryła jaho FBR. Ciapier praviarajuć, ci taja žančyna nie mieła dostupu da elektronnaj pošty dyrektara FBR.
Kamientary