Pra heta išła havorka na naradzie z udziełam Łukašenki.
Pytańni aptymizacyi raboty Śledčaha kamiteta abmiarkoŭvalisia siońnia padčas rabočaj sustrečy Alaksandra Łukašenki sa staršynioj SK Valancinam Šajevym. Na sustrečy taksama prysutničali dziaržsakratar Rady biaśpieki Leanid Malcaŭ, staršynia KDB Valeryj Vakulčyk i hienieralny prakuror Alaksandr Kaniuk.
«Pieršyja miesiacy raboty Śledčaha kamiteta pakazali nieabchodnaść karekciroŭki kolkaści i struktury hetaha kamiteta», — skazaŭ Alaksandr Łukašenka.Jak stanoŭčy momant jon adznačyŭ, što ŭ hetym vypadku havorka idzie pra niekatoraje skaračeńnie raniejšaj peŭnaj kolkaści supracoŭnikaŭ viedamstva.
«Što tyčycca struktury, to heta pracoŭny momant, i my damaŭlalisia z vami, što ŭ hetym składzie prapanavanuju novuju strukturu Śledčaha kamiteta, kali my z hetym pahodzimsia i ŭ hetym jość nieabchodnaść, prymiem ŭ najbližejšy čas», — zajaviŭ jon.
«Heta pravilna, što nie stali čakać. Kali bačycie dzieści niejkija vuzkija miescy, niedachopy, to ich treba svoječasova vypraŭlać», — adznačyŭ Alaksandr Łukašenka.
Jon asabliva padkreśliŭ, što srodki, što vyzvalajucca ŭ vyniku aptymizacyi kolkaści i struktury, pavinny zastavacca ŭ rasparadžeńni viedamstva:«Budź to KDB, prakuratura, Śledčy kamitet abo milicyja, hrošy pavinny zastacca na raźvićcio hetaj struktury i dla pavyšeńnia hrašovaha zabieśpiačeńnia supracoŭnikaŭ». Alaksandr Łukašenka daručyŭ Leanidu Malcavu ŭziać dadzienaje pytańnie na kantrol.
Łukašenka byŭ prainfarmavany ab asnoŭnych napramkach prapanavanaj aptymizacyi. U tym liku abmiarkoŭvalisia pytańni ab stvareńni mižrajonnych adździełaŭ Śledčaha kamiteta,bolš kampaktnych struktur padraździaleńniaŭ z zabieśpiačeńniem ŭ toj ža čas zadač pa jakasnym i abjektyŭnym rasśledavańni kryminalnych spraŭ.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary