Pra hety vypadak raspavioŭ pamočnik načalnika Minskaha haradskoha ŭpraŭleńnia Ministerstva pa nadzvyčajnych situacyjach Vital Demboŭski.
Incydent adbyŭsia siońnia, 22 listapada, kala 11.00 u centry Minska. U MNS pastupiła paviedamleńnie pra pažar u budynku BDU pa vulicy Revalucyjnaj.
Na miesca nieadkładna vyjechali rabotniki MNS, ale da pažaru im dabracca nie dali pryparkavanyja ŭ vialikaj kolkaści aŭtamabili.
Častku techniki naohuł pryjšłosia spynić, nie dajechaŭšy da budynka, i ratavalniki nieśli abstalavańnie ŭručnuju. Niahledziačy na heta, jany ŭsio ž dabralisia da miesca zdareńnia.
Administracyjaj budynka da prybyćcia padraździaleńniaŭ MNS byli vyviedzienyja 400 čałaviek (50 čałaviek piersanału, 350 vučniaŭ). Pažarnyja pry dapamozie ciepłavizara ŭstanavili, što tlejuć elektrapravodka i draŭlanyja elemienty ścien pad hipsakardonam na płoščy 0,3 kv.m u faje čaćviortaha paviercha.
Nieŭzabavie pažar byŭ likvidavany. Pryčyna vyśviatlajecca,pakul śpiecyjalisty schilajucca da taho, što joj stała parušeńnie praviłaŭ ekspłuatacyi elektrasietak i elektraabstalavańnia.
Vital Demboŭski asabliva adznačyŭ, što kiroŭcam treba staranna vybirać miesca dla parkoŭki, uličvajučy pry hetym mahčymaść prajezdu śpiectechniki ratavalnikaŭ.«U mnohich vypadkach aŭtamabili stajać nie prosta nasupierak PDR, ale i nasupierak zdarovamu sensu, z naplavalnickim staŭleńniem da astatnich udzielnikam darožnaha ruchu.
Z žacham možna ŭjavić, što mahło zdarycca, kab pažar byŭ surjoznym», — adznačyŭ pradstaŭnik MNS.
Kamientary